أذكى حكومة على وجه الأرض




الظلم اتنشر بين العباد
وغطى كل ربوع البلاد
قتل أحدهم آخرين
قالوا عليه من المجانين
ازاى طيب يمسكوه سلاح
ازاى هى سداح مداح ؟
حجتهم واحدة : مريض نفسى
بس يا ولدى ، اتسدت نفسى
مريض نفسى دايما اللى بيعملها
وكأن الارهابيين كلهم مريض نفسى
قولوا حاجة غيرها المخ يقبلها
قولوا حاجة ولا أشغل حدسى
حرام عليكم بقى كفرتونا
وفى عيشة أبونا بهدلتونا
واحنا هنهرب منكم فين ؟
هدور من بكرة على كرتونة
وانتوا هتروحوا من ربنا فين ؟
لا هينفعكم شيخ ولا حتى أبونا
يا حكومة دماغها دماغ حمارة
وأنا آسف للحمارة طبعا
كنتوا تقولوا طالع من خمارة
واحنا هنصدقكوا عطفا
فى الحالتين عطف صدقونى
بس الناس دول جننونى
هو المرض خلص من مصر
علشان يقولوا مريض نفسانى
أأأأأأأأأأأأأأأأأأأأأأأأأه يانى
حكومتى مجننانى
بتعلمنا الغباء فى الرد
ونعم التعلم العظيم
كانوا قاله جاتله نوبة عض
وملقيش غير نار ورصاص وتخريم
تخريم جثث ضحايا ومصابين
ذنبهم الوحيد أنهم مسيحيين
شفتوا يا مدونيين
شفتوا يا مثقفين
أنا مش هاممنى اللى حصل
هاممنى غباء الحكومة فين وصل ؟
أو يمكن الأقباط أغبياء
مفيش غيره حل ، بيفهموا الصح غلط
فقالوا ممنهاش فايدة ، أحنا نقول الغلط
وهما يفهموه على انه صح
بنفهم عكسى يا حكومة زفرة
بس سديتوا نفسى بريحتكو الزفرة
أنا مش فاهم ازاى بيفكروا
ومن أدمغة الاقباط ، المصيبة بيحقروا
وكأن الأقباط مجرد حمير
كل اللى بيعملوه تنزيل بعير
لك الله يا مصر من حكومتك
لك الله ، نفسى أشوف قومتك
لك الله ، ولا حد سواه
لا ريس ووزير ، لك فقط الله 

مع تحياتى : الذى جن من الحكومة
المجنون رسمى : محب روفائيل

ليست هناك تعليقات:

إرسال تعليق

التعليق على أي من مقالات هذه المدونة يحفزني على نشر المزيد من المقالات المفيدة، يمكنك التعليق بأي حساب يمكن إختياره من القائمة المنسدلة