الخميس، 5 مايو، 2011

وحدك تقدر - شعر دينى


لغاية امتى هبقى مغلوب
لغاية امتى هعمل الشر
وأقول ربنا رب قلوب
وأنسى أنه كمان عاوز بر

أنا يا رب فقدت الأمل
عارف انك تخلص ما قد هلك
لكن حملى تقيل زى الجبل
وكل مادة أنا أزعلك

أه يا رب خلصنى م اللى أنا فيه
حاسس أنى ضعيف تعبان
مش هقدر أسوى أى عمل شبيه
باللى يوصلنى لحضنك يا حنان

قالوا ساعة لقلبك وساعة لربك
وأنا ساعتك حتى مش مديهالك
عارف أنه ده مثير لغضبك
لكن نفسى مش قادر أديهالك

ظالم أنا ، أنا عارف نفسى
خاطى مريض وحزين كمان
كل ما تحن انت ، أنا أقسى
ولا أحط فى بالى انك زعلان

اليهود صلبوك زمان مرة
بطرس أنكر ويهوذا خان
لكن أنا خطايايا المرة
ممشيانى وراها من زمان

عارف انى ضعيف لكن انت
تقدر تعمل الغير مستطاع
تقدر تعمل أى حاجة حتى
تخلص اللى هلك واللى ضاع

هناك تعليقان (2):

  1. مع اختلاف العقيدة
    ولكن هذا لايمنع أن أرى فيك روحاً طيبة

    ردحذف
  2. @محمد الجرايحى
    أهلا أستاذى العزيز :)
    أختلاف العقيدة لا يفسد للود قضية :)
    وأظن أن المبادىء مشتركة لكن التفاصيل تختلف ، شكرا على رؤيتك المعتدلة .
    تحياتى .

    ردحذف