الاثنين، 9 مايو، 2011

تصدق انت فقعتهالى .. المرارة !!! (1)( عدم اتفاق أكاذيب السلفيين )

تعليق على مدونة نوارة نجم : -
يا نوارتي يا حبيبتي
انا واحدة عادية جدا
بس اخويا سلفى
و في وقت الجهاد المقدس امام الكنيسة امبارح، كنا قاعدين بنتعشى عند أهلي
قلت له مين دول ياض؟
بطلوا القرف ده
قاللي انا اصلا ماعرفش مين دول
الواد اخويا ده و الله العظيم بيتخانق عشان ما نقتلش فراشة ، اللي بتبقى سودا ووحشة عشان فيها روح، بيقول نطيرها برة البيت احسن
ده مش دفاع عن اللي عملوا احداث امابة‘ دول رمم يستاهلوا الحرق
لكن بلاش التهم الجاهزة و احنا متاكدين ان في حد قاعد بينخور جوا و بره
انتم فاكرين ان مصالحة فتح و حماس و الانتفاضة التالتة حاجة هينة على البعدا؟



كذب السلفيين الذى ما له نهاية : -
محمد بيسأل اخوه انتوا ليه بتعملوا كده فى مصر
اخوه : تقصد مين بكلمة انتوا
احمد :...السلفيين __ ليه تفرقونا وتثيروا فتن بين الناس وتحرقوا الكنيسة فى امبابهوغيره من الافعال الشنيعة
اخوه : ومين قالك كده
احمد : الاعلام مش مبطل كلام عنكم
اخوه : يا اخ احمد بربنا سبحانه بيقول (( يا ايها الذين امنوا ان جاءكم فاسق بنبأ فتبينوا ان تصيبوا قوما بجهالة فتصبحوا على مافعلتم نادمين ))
احمد:يعنى انتم ماحرقتوش الكنيسة
اخوه : لا طبعا هو احنا لو عايزين نحرق كنيسة كنا حرقناها ايام الثورة فى غياب الامن صح والا لا
احمد : امال ايه اللى حصل
اخوه : اللى حصل ان واحد ذهب الى مسجد فى امبابة وقال ان زوجته اتخطفت لانها كانت مسيحية واسلمت فا أهل المنطقة ذهبوا معاه للجيش وبلغوا الجيش وطبعا اتحرك الجيش الى الكنيسة ببطء شديد كالعادة فالناس كانت هناك قبل الجيش وطلبوا من النصارى اللى كانوا عند الكنيسة انهم ياخدوا الاخت سلميا ومفيش داعى للعنف وتدخل الجيش عشان الفتنة فالنصارى اللى كانوا فى الكنيسة استدرجوا الاهالى داخل الكنيسة وحصل مشادات داخل جنينة الكنيسة فاشتعلت الفتنة وبدءوا النصارى فى رمى الطوب وطبعا الاهالى ردوا عليهم بالطوب وقبل وصول الجيش بعشرة دقائق كانوا النصارى طبعا مجهزين السلاح وضربوا فى المسلمين بالنار ومات من المسلمين 11 وانصاب 200 تقريبا ولما السلفين عرفوا بالموضوع ده ذهبوا للكنيسة عشان يمشوا الناس لان اهالى الناس اللى ماتت عايزين يحرقوا الكنيسة فحاولوا السلفيين منع ده وهنا الاعلام كاميراته اللى كانت متعطلة طول الوقت اشتغلت بس لما السلفين وصلوا للموقع وانتشر بين الناس ان السلفين هما اللى عملوا الموضوع ده واللى محدش يعرفوا ان الجيش كان يتبادل اطلاق النار بينه وبين عناصر داخل الكنيسة وانصاب من الجيش كتير ومفيش حد من النصارى مات الا واحد وبالضرب بالشوم من الاهالى مش بضرب النار
احمد : انا اسف انا اول مرة اسمع الكلام ده
اخوه : ولايهمك يا احمد لكن مش ده الحل الحل انك لازم تعرف انك انت كمان يا احمد سلفى لان السلفين مش جماعة انما بتنادى الناس بتطبيق شرع الله فى حياتهم هل فيه حاجة من اللى كان النبى بيعملها او قال عليها غلط ؟؟؟
احمد : لا طبعا
اخوه : خلاص اعمل اللى عليك من الطاعة واترك الذنوب والبدع والتطرف حتلاقى نفسك سلفى غصب عنك انما لو مشيت ورا هواك والبدع والخرافات اللى امرنا النبى بالابتعاد عنها اكيد مش حتبقى سلفى لانك بعيد عن نبيك هو نبيك مش وصانا على اهل مصر
احمد : اكيد
اخوه : يبقى ازاى انا سلفى واخالف وصيه النبى
واخيرا هل منهجك الكتاب والسنة بفهم سلف الامة ؟؟
لو الاجابة نعم يبقى انت غصب عنك سلفى وابن سلفى
والهجوم على السلفين لاشك انه هجوم على الاسلام فى
عموده والله المستعان



بيان الدعوة السلفية ، بيان يثير الأشمئزاز : -
   
بيان من الدعوة السلفية حول أحداث إمبابة
5-جماد ثاني-1432هـ 8-مايو-2011
الحمد لله، والصلاة والسلام على رسول الله، أما بعد؛
فتستنكر "الدعوة السلفية" الأحداث الدامية التي وقعت بـ"إمبابة" مساء أمس مِن سفكٍ للدماء المعصومة واستعمال للأسلحة النارية وغيرها.. وتحذر مِن دفع البلاد إلى هاوية الفتنة، وتؤكد على أهمية التعايش السلمي بين المسلمين والأقباط الشركاء في الوطن.
- وتستنكر "الدعوة السلفية" موقف "الإعلام المغرض" الذي يزج باسم "السلفية"، و"السلفيين" في مشاكل ليست مِن صنعهم، ولا توجيههم، ولا منهجهم في الدعوة إلى الله بالحكمة والموعظة الحسنة، والاجتهاد في نفع المجتمع، والحض على سلامة أفراده.
- نؤكد مِن جديد: خطورة "الاستقواء بالخارج"، و"جريمة المطالبة بالتدخل الأجنبي في شئون مصر"؛ فأبناء مصر قادرون على حل مشاكلهم بأنفسهم، وحماية جميع أبناء البلاد على اختلاف أديانهم.
- ونؤكد أن العلاج لمثل هذه المشاكل إنما هو في بسط سلطة الدولة على جميع الأماكن، والأفراد وألا يكون أحد فوق المسائلة القضائية على ما يُرتكب مِن مخالفات، وضرورة التخلص مِن ممارسات "النظام السابق"؛ الذي أشعل نار الفتنة بـ"تسليم مواطنين مصريين" لجهات ليس لها حق احتجازهم.
- ونطالب مجددًا بضرورة جمع الأسلحة خاصة خاصة النارية من جميع مَن ليس له صفة شرعية في حملها وضرورة تفتيش المساجد والكنائس والمؤسسات؛ للبحث عن الأسلحة ومصادرتها لمنع ارتكاب الجرائم الدموية.
- كما نطالب بمحاكمة عاجلة سريعة للمشتركين في سفك الدماء بغير حق وإنزال العقوبة الرادعة بمن تثبت إدانته.
- ونناشد جميع الاتجاهات أن تحافظ على سلطة الدولة وعدم محاولة أخذ ما يرونه حق لهم بأنفسهم؛ لأن ذلك يؤدي إلى الفوضى. ونحذر كذلك مِن أي تصرف دون الرجوع لأهل العلم.
اللهم احفظ مصر آمنة مطمئنة رخاء وسائر بلاد المسلمين.
الدعوة السلفية بالإسكندرية
كما وافق عليه أيضًا:
فضيلة الشيخ/ محمد عبد المقصود
فضيلة الشيخ/ محمد حسان
فضيلة الشيخ/ صفوت حجازي
فضيلة الشيخ/ محمد عبد السلام
===========================
http://www.facebook.com/anasalafe
صفحة موقع أنا السلفي الرسمية
===========================
www.anasalafy.com
موقع أنا السلفي

تعليقى المجمل المختصر على الموضوع ككل : -
مما سبق ذكره يتبين كذب بل وعدم اتفاق أكاذيب السلفيين ، فهذه تقول أنهم ليسوا بسلفيين ، وهذا يقول أنهم سلفيين ولكن المسيحين هم من بدأوا بالضرب " ضرب النار كمان " ، أما ما يثير الاشمئزاز فعلا ، فهو بيان الدعوة السلفية ، الله يسامحكم يا بشر ، الله يسامحكم .

هناك تعليقان (2):

  1. بالفعل يا عزيزي السلفيين ليسوا ملة واحدة هم مجموعة من الجماعات المتخلفة الغوغائية , وتجد مجموعة منهم تحضر للخلافة والأخرى تحاول فك كرب الأسيرات والثالثة مشغولة بــ الحصول على الملايين من قنوات التلفاز لكنهم يشتركون في التخلف.

    ردحذف
  2. @Tarek Khamis Darwish
    أستاذ طارق ، أهلا وسهلا بحضرتك .
    فى الحقيقة أنا لا أعرف عن السلفيين شيئا من الناحية الدينية ، ولست مهتما ، لكن أن يقتلونى فهنا كل الأهتمام ، لأنه ان لم أهتم قبل أن أموت أو أقتل ، فمتى سأهتم ، أبعد الموت والقتل والدمار.
    شكرا يا عزيزى .

    ردحذف