الجمعة، 29 أبريل، 2011

أنا المصرى - شعر عامى











أنا قروى صعيدى طيب كريم
محدش يسابقنى أنا فى الاصالة
انا مصرى وجدى فرعون عظيم
انا اللى بدمى رجعت سينا  وطابا

انا  يمكن أغلب خلق الله
لكنى قنوع باللى قسمهولى
أشد حيلى احسن وضعى
وأثور ضد حكام ظلمونى

أنا المصرى كريم العنصرين
هقف ضد الانقسامات والفتن
عارف اننا على طول واحد مش اتنين
وبيشهد على كده العصور والزمن

جدى بنى الهرم وبنى ابو الهول
خلانى  أرفع راسى على طوول
خلانى أرفع  راسى بفخر وأقول
عظمة المصريين لن تنسى لن تزول

أنا الشاب اللى قالوا عليه : لا يمكن يصحى لا يمكن يفوق
فجأة لقيونى بكل جراءة  بقول : يا جماعة انا بكرة هثور
قالوا لعب عيال ومسمعوليش ، لغاية ما كرامتى طللعت فوق
قالوا شباب مصر زيهم مفيش ، وياريت شبابنا يبقوا فى الدور

أنا عارف تاريخى مش هيفيدنى كتير
لكنى بمتصه عشان انتمائى يزيد
وحالا هقرب من نجوم الكون
ويبقى لمصر تانى الصعود

مع تحياتى - المحب لكم دائما - محب  روفائيل

هناك 9 تعليقات:

  1. كلمات جميلة جداً ومؤثرة لكنها خواطر ولست شعراً ... أخي محب البحور الشعرية تحتاج إلى اتقان ودراسة... ولو هتكتب شعر ياريت تدرسها كويس ولو مش هتقدر تدرسها فأحفظ أشعار كتير علشان تقدر تتقنها بالسليقة
    تحياتي

    ردحذف
  2. على فكرة حتى الشعر العامي يجب أن يكون له بحر وتفعيلة يمشي عليها مش معنى شعر عامي انك تكتب كلام مسترسل كالنثر وتقول عليه شعر, الفرق بين الشعر الكلاسيكي والعامي أو الحديث إن الشعر الكلاسيكي كان بعتمد على بحر واحد فقط في القصيدة أم الشعر الحديث أو شعر التفعيلة فيستخدم اكثر من بحر في القصيدة الواحدة حتى كلمات الاغاني يجب أن يكون لها بحر او تفعليه تسير عليها وإلا استحال غنائها وجرب كدا اغانية تملي معاك لعمرو دياب او اغنية أبطل السجائر لشعبان عبد الرحيم هتلاحظ انها تعتمد على بحر مع انها كلماتها عامية

    ردحذف
  3. كلمات طيبة وإن كانت كما قال السيد حسن خاطرة
    شد حيلك وهتكتب ما دمت تمتلك الموهبة

    ردحذف
  4. @حسن محمد محمد
    Hassan , thank you very much for Ur encouragement and for these wonderful information
    sorry for the English writing , cause of a technology problems with Arabic !!
    t7eaty :))

    ردحذف
  5. Bassam , how r u guy?
    thanks alot , but do u really think that i have this talent ?
    sorry for the English writing , cause of a technology problems with Arabic !!
    t7eaty :))

    ردحذف
  6. السلام عليكم
    جميل محب روفائيل
    على فكرة أنا أدعوك للمشارك معنا فى دورة التدوين الإلكترونى
    هذا هو رابط المدونة أرجو الإهتمام
    http://mytadwen.blogspot.com/

    ردحذف
  7. @حميد
    7meed , w3laikom eslam wra7met allah w brakatoh :)
    ahlan w sahlan beek fe mdawenty el mtwad3ah.
    shokran 3la el etraa , lqad tama el eshtraq :)
    t7eyaty:)

    ردحذف