الأربعاء، 20 أبريل، 2011

حداد على مصر




حداد على مصر

الى أن ينقشع الظلام ويأتى الفجر

هناك 14 تعليقًا:

  1. حتمًا ستعود مصر يا محب، في النهاية لا يصح إلا الصحيح

    ردحذف
  2. @أحمد شريف
    مش باين يابو حميد ، مصر نزلت الهاوية ، نزلت فى المستنقعات ، تعافيها لازم له كتيييييييير قوى ، ربنا يستر ويسهل ويعافى ويحافظ على مصر .

    ردحذف
  3. عزيزي محب
    السلام عليكم
    أخي الفاضل المصري الأصيل دايماً عارف أنه بلده ربنا حارسها طول العمر, السياح فقط هما اللي ممكن يخافوا لانهم لا يعرفون مصر, ولا تاريخ مصر, فكم من المحن.. وكم من المشاكل ... وكم من العثرات, لكننا قمنا من جديد
    يالله امسح العلم دا وحط مكانه حلم مصر الحرة السعيدة المحفوظة من الله بمسلميها وأقباطها

    ردحذف
  4. @حسن محمد محمد
    المشكلة يابو على أن مصر لم تقم بعد من المشكل الطائفى ، كنا كل مرة نضع رءوسنا فى الرمال كالنعام ، ولا نحاول مطلقا حل ولو جزء بسيط من المشكلة ، بل كنا نستفز أنفسنا والعالم أجمع ببعض الكومبارصات فى الأفلام العربية ويلبس أحدهم ملابس شيخ والآخر ملابس قس ، وأحيانا كما أتى فى فيلم الشياطين فى أجازة ، يأتوا بقس كى يكتب لهم الكتاب ، ان هذا لمبتذل !!
    التاريخ القبطى ربما يخفى عليك يا عزيزى ، لكنه لا يخفى عن الأوراق الصفراء ، المختصر المفيد أنه كان ملىء بالأضطهاد ، ولأننى قارىء جيد له وجدت أنه لا يوجد مجرد 10 سنين فقط ( فقط ) نعم بهم المسيحيون بالسلام ، لكن كان الاضطهاد يأتى دائما من الحكام ، كانت علاقتنا بالشعب المسلم غاية فى الروعة ، أسمعت من قبل عن الألحان القبطية ، كانت هى البديل فى أفراح المسلمين عن ايهاب توفيق وأمثاله ، خصوص فى الزفة !!! طبعا غير مصدق ، عموما أنا لم أر أنا قرأت فقط .
    اليوم تكاتف الحكام مع الاسلاميون فى هرس الشعب القبطى ، ليس ابادة ( على طول ) لكن هرس لأنها مقترنة بالعذاب ، وكأن من يقومون بهذا همهم الوحيد هو رؤية دماء وصراخ وعويل واستجداء للرحمة ، ليس دماء فقط !!!
    لذلك أتأسف جدا على عدم تغيير العلم ، وربما يا صديقى تقرأ قريبا فى مدونتى ما يحزنك ، لكننى سأقوله وأنا حزين أو بالأحرى فى غاية الحزن ، هذا ان استمر الوضع على ما هو عليه ، وليته لا يفعل !!!

    ردحذف
  5. اسمها تكاتف الحكام مع الاسلاميين ( اسم مجرور بمع وعلامة جره الياء )
    :)


    انا فعلا مصدق ان تاريخ الاقباط مليء بالماسي واحيانا كانوا بيدفعوا تمن اخطاء ارتكبها بعضهم زي المعلم يعقوب حنا مثلا , واحيانا كانوا بيدفعوا تمن اخطاء ملهمش علاقة بيها , ده غير التاثر بعصر الشهداء المتغلغل في العقلية المسيحية الشرقية , لكن حقيقي اجترار الماسي والعيش فيها هوه السبب , لان فعلا مش دايما الاقباط مظلومين , فيه احساس عام بعقدة الاضطهاد يتعدى عملية الاضطهاد الفعلية ( وهي موجودة فعلا بشكل او باخر بس مش ابدا بالشكل اللي بتصوره المواقع المسيحية )

    تفتكر مثلا مين اصلح لقنا , محافظ مسلم ياخد حق المسيحيين بدون اي حساسيات ولا محافظ مسيحي يتحرج انه ياخد اي خطوة ولو كانت حق علشان خاطر محدش يقول اصله مسيحي , وانا عن نفسي بكبر دماغي للجماعة المدونين وبتوع الجرايد والعالم اللي بتقول على نفسها بتفهم , لما يقولوا تطبيق القانون بالقوة لانهم ميفهموش يعني ايه صعيد ويعني ايه عند وان القوة دي حتكلف دم اد ايه ,محدش منهم راضي يفتكر كلام واحد من اباء الكنيسة في قنا لما قال لو محافظ من الاخوان المسلمين غير مجدي ايوب كان بقى ارحم بينا , ناس كتيير بتتكلم من غير متعرف ان العرف في الاماكن دي فوق القانون ةان العادة احيانا ليها حكم حتى لو ملهاش اصل ديني , تغيير الواقع ده يكاد يقترب من المستحيل قبل 20 سنة من التعلييم اللي يخرج اجيال جديدة بمفاهيم جديدة ,

    رايي ان الحل لازم يكون بعمل عقد اجتماعي جديد , اما الاصرار على فرض الرؤى حيعرفوا نتيجته بعد فوات الاوان

    مصر عدت حاجات اصعب من كده بكتيير ,متقلقش
    تحياتي

    ردحذف
  6. @واحد من الناس
    يا دكتور أنا لا أتحدث عما حدث فى قنا ، أنا أتحدث عما حصل ويحصل فى أبو قرقاص فى المنيا ، تكرار لمشاهد أخرى كالتى حدثت فى أطفيح ، ولكن مع أختلاف التفاصيل ، أنا هنشر حاجة بعد شوية يا ريت تقراها ، مع انها مش بخصوص الكلام ده أصلا .
    ملحوظة مشوار محافظة قنا ، أنا مش هتكلم عنه لأن ميجيش ذرة واحدة بالنسبة للى بيحصل فى أبو قرقاص .
    المشكلة أن انتوا المغتربين الأخبار بتوصلكم متأخر أو مش بتوصل خالص !!!
    عموما ابحث على النت ، وبخصوص عقدة الاضطهاد ، فدى موجودة ، لكن زى ما انت شايف الاضطهاد لسة موجود وبقوة !!!
    بخصوص عقدة الاضطهاد اللى قبل كده وانتصارنا عليه ، فهو ده اللى بيصبرنا !!
    تحياتى .

    ردحذف
  7. @محب روفائيل

    عزيزي محب
    أنا متفهم يا أخي العزيز لما تقوله ولمشاعرك, لكن أحب أن أوضح لك أني قرأت كثيراً في التاريخ الكنسي والتاريخ القبطي المكتوب بواسطة أقباط ومسلمين, قرأت للمقريزي, وساويرس بن المقفع والكندي ولبعض المستشرقين , أيضاً قرأت في الأديان والفرق والملل وأحفظ الكثير من العهد القديم والعهد الجديد بجانب حفظي طبعاً لقدر كبير من القرآن, طبعاً أنا هنا لا أستعرض بل أوضح فقط, ورغم كل هذا لا أحب التحدث أو الخوض في الاختلافات الدينية, ولا أحب المواقع التي تعرض المناظرات الدينية لأنها تخلق أحقاد وضرها أكثر من نفعها, كما أني على يقين بأن الله يهدي إليه من يشاء وهو ليس في حاجة إلى مناظرات ولا إلى حروب كلامية, أما إن كان الغرض من المناظرات الدينية معرفة الحقيقة, فأفضل أن تتم بين الشخصين المتناظرين فقط في مكان لا يسمعهما ولا يراهما إلا الله, وذلك حتى لا تتحول مساعي البحث عن الحقيقة إلى حرب ومجادلات تبعث على الكره والبغضاء.

    بخصوص تاريخ اضطهاد المسحيين في مصر, فأنا أعلم يا محب أنك في ربيع العمر وأنا الشاب في مثل هذا السن طبيعي أن يكون ممتلئ بالحماس والغيرة على الدين, هذه الحماسة مع أن لها إيجابيات إلا أن عيبها أنها تجعل الشخص متسرع في عواطفه وأحكامه في كثير من الأحيان, لذلك طلب بسيط من أخ أكبر إلى أخ أصغر أن تقرأ كل كتب التاريخ بعقليه تحليلية, وتدرس المغالطات المنطقية لكي تستطيع أن تتعرف عليها بسهولة وأنت تقرأ مثل هذه الكتب, فمثلاً لو قرأت كتاب تاريخ مكتوب بيد مسلم ويتحدث عن تسامح المسلمين مع الأقباط في كل الحالات فأعلم أن هذا الكتاب يشوبه شيء من الباطل, ولو قرأت كتاب مكتوب بيد قبطي يتحدث عن مساوئ المسلمين وظلمهم للمسحيين على طول الخط فأعلم أن هذا الكتاب يشوبه شيء من باطل, استعرض الحقب الزمنية التي تعرض فيها الأقباط للاضطهاد, وأنظر هل وقع للمسلمين نفس الشيء أم لا, أما بخصوص الظروف التي نعيشها الآن, فلا تخف هذه الأحداث طبيعية جداً لشعب كبت لسنين عديدة وتم التنفيس عنه مرة واحدة, فتوقع أن تحدث مثل هذه الأحداث, والحمد لله لم نمر بما مرت به أمريكا مثلاً من حروب عنصرية قبل تطبيق الديمقراطية بها.

    تحياتي وأرجو أن لا أكون قد أطلت عليك

    ردحذف
  8. @حسن محمد محمد
    تصدق يا ابو على أنت ولا طولت ولا حاجة ، انت بتقول كلام صح جدا ، فبخصوص المناظرات أو حوار الأديان ، فأنا بصراحة لما بدخل فيه مبعرفش أفرمل ، لكن كل ما حد يعرضه عليا بتثاقل فى الكلام معه ، لغاية ما هو يضغط عليا ، تعمل أيه بقى ؟؟؟ وكل ده للأسباب اللى انت قلتها ، ودلوقتى أنا عرفت ليه معلقتش على موضوع حوار أديان راق ومحترم ، لأنك فعلا طلعت راق ومحترم :) وذو عقلية كبيرة .
    بخصوص بقى التاريخ فالكاتب مهما كان بشرا ، وانت صدقت فى عرضك لبعض ما قد يشوب التاريخ ، كلامك كله حكم بجد ، شكلك كنت بتقعد مع جدك فى المنيا كتير ، أنا بقى مشفتهوش :):)
    عموما أنا من أكتر الحاجات اللى مغلبانى فى التاريخ فعلا مخطوطة أسمها مخطوطة يوحنا النقيوسى ، وده كان أسقف فى وقت عمرو بن العاص بيقول كانوا بيموتوا النساء والأطفال والشيوخ بطرق فظيعة جدا ، حتى النساء الحوامل كانوا بيموتوهم جنود عمرو ، لغاية ما كرهت المدعو عمرو بن العاص من جراء هذه القراءات ، بس مش ده المهم ، الأدهى أنه رواية الاسلام مخالفة تماما لرواية المخطوطة دى ، فمن نصدق ؟ سؤال يحتاج الى اجابة ، أو تنفيض ( حلق يعنى ) :):)
    تحليلك للسبب منطقى ، بس كده ممكن الأقباط يروحوا كلهم فى أبو كيفو ، طيب الاسلاميين هيلاقوا مين بعد كده ينفسوا فيه عن غضبهم ، بالتأكيد هيعملوها فى نفسهم :):):):)
    عموما ربنا يستر اليومين اللى جايين دول لأن التهديدات نازلة بترف فى أماكن بعينها وعلى النت !!
    تحياتى يا حسن .

    ردحذف
  9. بخصوص مخطوطة يوحنا النقيوسي, حاول تتأكد الأول من عدة أشياء:
    1- الظروف السياسية التي كتب فيها يوحنا هذه المخطوطة
    2- هل كان من المدعمين للرومان سياسياً أم لا؟
    3- هل فعل عمرو بن العاص مثل هذه الأشياء بأهل القدس والشام فهو أيضاً الذي فتحهما؟
    4- هل بقيت الكنائس القديمة في عهد عمرو بن العاص كما هي أم حولها إلى مساجد؟ وذلك لأن الذي يقتل الناس بسبب دينهم لن يتورع في أن يهدم الكنائس أو يحولها إلى مساجد. واعلم أن المسلمين في هذه الفترة كانوا هم القوة العظمى الوحيدة في العالم أي أنهم لم يكونوا تحت أي ضغط من الخارج.

    هناك بالفعل بعض المقاوامات حدثت في مصر أثناء فتح عمرو لها, كانت مقوامات يقودها الرومان بالأساس ويساعدهم قلة قليلة من الأقباط المصريين المعارضين لنظام المقوقس الذي يعتبره الكثير من المؤرخين الغربيين أنه خائن.

    وعلى أي حال دراسة التاريخ تحتاج إلى عقلية تحليلة ودراسات أعمق مما أقوله هنا

    ردحذف
  10. @حسن محمد محمد
    فى الحقيقة انا لا أعلم أى اجابة من اجابات هذه الاسئلة ، وأنا الآن غير مهتم ، فالحاضر يفرض نفسه ، ولا فائدة من تاريخ قد يكون مزورا ، وهذا بشهادة أخرى !!
    المقاومات فى مصر امتدت الى القرن العاشر الميلادى ، على يد بعض سكان الدلتا والذين فى ذلك الوقت كانوا يدعون بالبشامرة ، فى الحقيقة كان الرومان ساعتها غير موجودين بمصر .
    عموما لو أخذنا المتوسط الحسابى لما كتبه المسلمون والأقباط ستجد أن الكفة راجحة نحو الاضطهاد !!
    ولكى لا يأتينى شلل من دراسة التاريخ ، والذى كنت أحبه قديما ، فلن أقرأه ثانية الا عند الضروريات كتاريخ العلم مثلا ، وسأتفرغ لشىء مفيد عنه .
    تحياتى .

    ردحذف
  11. محب صدقني مليا نفس اعلق
    انا معرفش تفاصيل اللي حصل في اطفيح وايه اللي خلى جنازة تتحول بطريقها لكنيسة تهدها لكن اللي اعرفه كويس واكيد انت تعرفه
    ان كل القتلى في اطفيح وابو قرقاص مسلمين , وان اللي اتقتل في كرموز وقت مكنت بشتغل في اسكندرية مسلم واللي قتله مسيحي ودي مسائل جنائية القانون يفصل فيها وكم مسلم بيقتل مسلم وكم مسيحي بيقتل مسيحي , لكن المشكلة ان فيه ناس بتاكل عيش وحلاة وبقلاوة من ورا موضوع كوبتس ار كيلد باي موسليمز ,

    واللي اعرفه اكتر بكتيير هو جماعة الامة القبطية , ومدارس الاحد اللي كانت ورا اختطاف البابا السابق للبابا الحالي , واللي اعرفه اكتر واكتر ان واحد زي الاب متى المسكين يتعزل في دير ومبيقاش هوه الصوت الرائع للمسيحية والتعايش في مصر , واكتر واكتر واكتر ان انسان رائع زي الانبا موسي يكون صوته واطي للدرجة دي ومنسمعش غير اصوات النشاز زي نجيب جبرائيل ووممدوح نخلة .



    كنت اتمنى من اخينا حسن ميحرمناش من تعليقاته على البوستات اللي فاتت , حتى من باب التعليم لان واضح ان الحوار المرة دي مكنش فيه اي حاجة تسىء الي الحوار ,

    ردحذف
  12. @واحد من الناس
    يا دكتور ، تعليقك مرحب بيه ، بس للأسف المرة دى جه مستفز بجد .
    أولا لأن أخبار حضرتك منقوصة ، ياريت زى ما بتقرأ الأخبار فى المواقع الاسلامية أقرا اللى فى المواقع المسيحية ، والمواقع الأخبارية العادية ، وحاول أنك توازن بين التلاتة لأن بجد أخبارك منقوصة !!
    بخصوص الأب متى المسكين ، فهو قبل ما أى حد يرشحه للبابوية ، راهب ، والرهبان لا يطلبون مناصب كنسية ، لأنهم مش بيبصولها على أنها مناصب لأ ، بل على انها مسئوليات .
    مين جماعة الأمة القبطية دى ؟
    أيه اختطاف البابا الحالى والسابق أنا مش فاهم حاجة أبدا ، ويا ريت ميكونشى المصدر اسلامى بحت ، للأسباب اللى قلتها قبل كده !!
    عموما أنا عارف قصة البابا الحالى والبابا السابق من طقطق لسلام عليكم ومحدش فيهم تعرض لأختطاف ، يمكن أنا اللى فهمت غلط من كلامك ؟؟!!
    الأنبا موسى أسقف الشباب وهو غالبا بيتكلم كلام تنموى ومالهوش فى السياسة ، أما بقى لو رحت لواحد زى بيشوى وأنا بجد مش عارف مين عمله أسقف أصلا ، لأنه ظلمه !!! هتلاقيه غلط غلطات كتيرة ، وده لسوء الأختيار ، أنا معاك لو كان بداله ابونا متى المسكين كانت هتبقى فلة لأن أبونا متى الله ينيح نفسه ، كانت علاقته جامدة جدا بالمسلمين بعكس بيشو !!
    عموما أبونا متى أفاد الأقباط من ناحية تعاليمه العظيمة الى يوم نياحته .
    يا دكتور أفهمنى لو سمحت أدينى أنا بدافع عن الملف القبطى والأقباط والطائفيه ، هل حد مصدرنى ، لأ طبعا ، كل ده أراء شخصية ومحدش قاللى قول كده ، ممدوح نخلة ونجيب جبرائيل بيعبروا عن أرائهم الشخصية التى هى غالبا تتفق مع أراء الأغلبية للأقباط .
    بخصوص حسن فلو كان قصدك على حوار الأديان ، فهو يقصد أنه ضعاف النفوس مش بيتعاملوا بالكلام ، بل هيتعاملوا بالعنف ، والحوارات دى هتأثر عليهم ، لكنه مش ( مش موافق ) عليها !!
    عموما عمنا حسن ده بلدياتنا واحنا فاهمين بعض :):):)
    تحياتى يا دكتور .

    ردحذف
  13. محب صدقني انا مبقراش خبر في اي موقع الا لما اشوف قرينه على موقع الاقباط متحدون ! واكون شاكر ليك لو جبتلي المصدر اللي بيقول عن قتلى غير مسلمين في احداث اطفيح , وابو قرقاص ( يا سلام لو موقع محايد , مش موقع بيعرض افلام فيديوبيقول فيها الجيش والاسلام بيضربوا الاقباط بالرصاص ,انا عن نفسي معرفش من امتى الجيش كان جيش الاسلام مش جيش مصر اللي فيه مسلمين ومسيحيين

    اما اذا مكنتش تعرف اختطاف جماعة الامة القبطية للبابا يوساب الثاني , ولا ايه السبب في اعتزال الرائع الاب متى المسكين , , كل ده ملوش اي علاقة بمواقع اسلامية , ده تاريخ كنسي بحت ,يبدوا ان فيه تعمد في الكنيسة ذاتها ان محدش يسمع عنه لو متعرفش او مسمعتش عن كل ده يبقى من غير زعل وعلشان متستفزش تاني انا مش حعلق تاني لغاية لما تخلص دراستك وتقرا براحتك يمكن الرؤية توضح اكتر من غير محد يوجع دماغك

    تحياتي

    ردحذف
  14. @واحد من الناس
    دكتور بخصوص البابا يوساب فهو كان غير حكيم فى الادارة الكنسية ، لدرجة أنه بدى شخص واحد ومخطىء عن الشعب كله فتمت اقالته وعاش باقى حياته فى دير من الأديرة ، على فكرة أنا عارف القصة كلها بس مش عاوز أدخل فى التفاصيل .
    بخصوص بقى فيديو وجيس واسلام ومصر ، أحب أقول أنه طالما فيه أدلة قوية ، مثل الفيديو خبر هنا يكدبها أو خبر هناك هو اللى هيكون كاذب مش الدليل نفسه وده غالبا مش فى كل الأوقات بفرضية أنه حصل فبركة !!
    يا دكتور انت تشرف فى أى وقت :):)
    تحياتى .

    ردحذف