الأحد، 17 أبريل، 2011

حوار أديان راق ومحترم !!( 2 )

نكمل الحوار :):) ده الجزء التانى مع العلم بأن الجزء الأول هنا

@واحد من الناس الحمد لله يا دكتور أنا مش قاعد بالصدفة على فكرة على الكمبيوتر ، لكن يكاد يكون شغلنا كله عليه . أنا هرد أول بأول لأن حضرتك بتطول الظاهر فى الكتابة ، وعلشان كمان الرد يكون كامل متكامل . أستاذ الكنيسة على ما أظن كان بيقول رأيه الشخصى ، لكنه رأى مقبول فى بعض الأوساط المسيحية بالتأكيد بالذات الناس القديمة ( لأ لأ مش المستعملة ، انا قصدى حاجة تانى خالص :) جميل جدا الظاهر ان حضرتك استاذ فى المسيحية وأنا مش عارف ، بس أنا عاوز أوقل حاجة . ان كل من يرى الابن ويؤمن به فله الحياة الابدية ، الآية دى مش مفترض أننا نفهم منها أن الذى لا يؤمن بالأبن ليس له حياة أبدية ، أنا فهمت كده من اللهجة العربية بتاعة الكلام ، عموما يكاد يكون الانجيل موافقك فيما طرحته :) فاكر فى مرة كنا بنهزر فى ثانوى وأبلة الأقتصاد قاعدة فقالت بتقولوا أيه يا عيال ، رحت قلتلها أبدا : أنا بقولهم أنتوا هتروحوا النار حدف ، وهبقى أجيبلكم عيش وحلاوة ، وهما بيقولولى هتدخل النار بطيارة أو بقطار سريع وبرضه هنجيبلك عيش وحلاوة ، طبعا الأبلة تبعنا ( قصدى من القرية نفسها ) وفاهمة السيستم بيمشى ازاى ، فضحكت وسكتت
17 أبريل, 2011 12:16 ص
حذف
Blogger واحد من الناس يقول...
+ حنسيب الناس اللي سافروا بره واللي جوه لان كل نفس بما كسبت رهينة , وسيأت يوم القيامة حيث تجادل كل نفس عن نفسها امام مالك الملك , بس متنساش ان انت اللي جبت سيرتهم الاول :) ** بالنسبة للنسخ انا مش بقول مين اكتر من مين , انا بقول ان المبدأ موجود في الديانتيين فيمنفعش يبقى سلاح في ايد احد اتباع الديانتيين لمهاجمة الدين الاخر بالاضافة ان النسخ مسألة ليها حكمها واحكامها واهميتها طيب انت متعرفش ان فيه طلاق في التوراة ؟؟! ( التثنية 24 : 1-3 " إِذَا تَزَوَّجَ رَجُلٌ مِنْ فَتَاةٍ وَلَمْ تَرُقْ لَهُ بَعْدَ ذَلِكَ لأَنَّهُ اكْتَشَفَ فِيهَا عَيْباً مَا، وَأَعْطَاهَا كِتَابَ طَلاقٍ وَصَرَفَهَا مِنْ بَيْتِهِ، 2فَتَزَوَّجَتْ مِنْ رَجُلٍ آخَرَ بَعْدَ أَنْ أَصْبَحَتْ طَلِيقَةً، 3ثُمَّ كَرِهَهَا الزَّوْجُ الثَّانِي وَسَلَّمَهَا كِتَابَ طَلاقٍ وَصَرَفَهَا مِنْ بَيْتِهِ، ...) طيب اذا قلنا ان المسيح عليه السلام اقر بانه لا طلاق الا لعلة الزنا كما في انجيل متى وانت قلت ان المسيح قال ما جئت لاهدم الناموس بل لاكمله نسمي ده تناقض ؟؟؟!!! طيب مفيش مشكلة احنا بنسمي( منع الطلاق في المسيحية بعد جواز الطلاق في الشريعة الموساوية , وفي البدء لم يكن طلاق على حد قول المسيح عليه السلام في الانجيل يعني مفيش طلاق ثم اقراره ثم منعه )بنسميه نسخ . هل ده كافي لاظهار المعنى ولا لا لو عايز ادلة تانية مفيش مشكلة بس احنا في معرض توضيح مصطلحات **نمسك في الجزئية اللي انت شايفها عيبه اه فعلا كان فيه تدرج في الحكم الخاص بالجهاد , انا مش عارف اشرح التدرج ومعناه ولا اجيبلك ايات التسامح بعد بسط سلطان الدولة الاسلامية طيب بما اننا متفقين ان فيه تدرج اصلا يعني مش محتاجين نثبته , نرد على التانية لانها حتنفي الاتهام من اصله ** { لَا إِكْرَاهَ فِي الدِّينِ قَدْ تَبَيَّنَ الرُّشْدُ مِنَ الْغَيِّ فَمَنْ يَكْفُرْ بِالطَّاغُوتِ وَيُؤْمِنْ بِاللَّهِ فَقَدِ اسْتَمْسَكَ بِالْعُرْوَةِ الْوُثْقَى لَا انْفِصَامَ لَهَا وَاللَّهُ سَمِيعٌ عَلِيمٌ (256) }سورة البقرة ودي في نزلت في المدينة **{ لَا يَنْهَاكُمُ اللَّهُ عَنِ الَّذِينَ لَمْ يُقَاتِلُوكُمْ فِي الدِّينِ وَلَمْ يُخْرِجُوكُمْ مِنْ دِيَارِكُمْ أَنْ تَبَرُّوهُمْ وَتُقْسِطُوا إِلَيْهِمْ إِنَّ اللَّهَ يُحِبُّ الْمُقْسِطِينَ (8) إِنَّمَا يَنْهَاكُمُ اللَّهُ عَنِ الَّذِينَ قَاتَلُوكُمْ فِي الدِّينِ وَأَخْرَجُوكُمْ مِنْ دِيَارِكُمْ وَظَاهَرُوا عَلَى إِخْرَاجِكُمْ أَنْ تَوَلَّوْهُمْ وَمَنْ يَتَوَلَّهُمْ فَأُولَئِكَ هُمُ الظَّالِمُونَ (9) } سورة الممتحنة ودي نزلت بعد حروب وحروب مع قريش **{ وَإِنْ أَحَدٌ مِنَ الْمُشْرِكِينَ اسْتَجَارَكَ فَأَجِرْهُ حَتَّى يَسْمَعَ كَلَامَ اللَّهِ ثُمَّ أَبْلِغْهُ مَأْمَنَهُ ذَلِكَ بِأَنَّهُمْ قَوْمٌ لَا يَعْلَمُونَ (6) } والاية دي في سورة التوبة يعني نزولها كان قبل موت النبي صلى الله عليه وعلى المسيح وسلم عليهما , بحوالي سنة واحدة تقريبا يعني بعد تمام كمال سلطان الدولة الاسلامية وتطبيق كل السياسات ومعدش فيه حاجة نخبيها بعد ما تم اخضاع كامل الجزيرة العربية . **{ لَقَدْ جَاءَكُمْ رَسُولٌ مِنْ أَنْفُسِكُمْ عَزِيزٌ عَلَيْهِ مَا عَنِتُّمْ حَرِيصٌ عَلَيْكُمْ بِالْمُؤْمِنِينَ رَءُوفٌ رَحِيمٌ (128) فَإِنْ تَوَلَّوْا فَقُلْ حَسْبِيَ اللَّهُ لَا إِلَهَ إِلَّا هُوَ عَلَيْهِ تَوَكَّلْتُ وَهُوَ رَبُّ الْعَرْشِ الْعَظِيمِ (129) } التوبة . ودي ايضا جت بعد ايات القتال في النزول وده معناه حاجة واحدة ان الرحمة والدعوة بالحكمة والموعظة الحسنة سابقة للقتال ومصاحبة ليها وتالية عليه لانها الاصل , انما القتال هو لازالة سلطان الشر عن قدرة الناس على الاختيار .بدون اكراه او الزام ولو كان الاسلام اكره المصريين او اهل الشام عليه مكنتش حضرتك قاعد قدامي حاطط رجل على رجل وبتشرب الشاي وبتقولي الكلام اللي انت بتقوله :) ولا انت بقى كنت مستخبي وطلعت بعد مامشيوا :) انا مجبتش كل ايات الرحمة , انا جبت الايات اللي اتكلمت عن الاحسان والدعوة الحسنة بعد بسط سلطان الاسلام علشان انفي انه لما كان ضعيف كان بيتكلم بالراحة ولما اصبح قوي لم يعد هناك الا االسيف . وفي نهاية الجزء ده افكرك بان المسيح ما جاء ليهدم الناموس بل ليكمله , صموئيل الثانى 12 : 31 وَأَخْرَجَ الشَّعْبَ الَّذِي فِيهَا وَوَضَعَهُمْ تَحْتَ مَنَاشِيرَ وَنَوَارِجِ حَدِيدٍ وَفُؤُوسِ حَدِيدٍ وَأَمَرَّهُمْ فِي أَتُونِ الآجُرِّ، وَهكَذَا صَنَعَ بِجَمِيعِ مُدُنِ بَنِي عَمُّونَ. ثُمَّ رَجَعَ دَاوُدُ وَجَمِيعُ الشَّعْبِ إِلَى أُورُشَلِيمَ . يشوع 11 : 11 وضربوا كل نفس بها بحد السيف.حرّموهم.ولم تبق نسمة.واحرق حاصور بالنار. جيب من القران او من تاريخ المسلمين شىء زي كده ؟؟؟!!!
17 أبريل, 2011 12:19 ص
حذف
Blogger واحد من الناس يقول...
حد الردة مت 10 : 34 لا تظنوا أني جئت لألقي سلاما على الأرض. ما جئت لألقي سلاما بل سيفا. لو 19 : 27 أما أعدائي ، أولئك الذين لم يريدوا أن أملك عليهم ، فأتوا بهم إلى هنا واذبحوهم قدامي. سفر التثنية 13(6-11) وَإِذَا أَضَلَّكَ سِرّاً أَخُوكَ ابْنُ أُمِّكَ، أَوِ ابْنُكَ أَوِ ابْنَتُكَ، أَوْ زَوْجَتُكَ الْمَحْبُوبَةُ، أَوْ صَدِيقُكَ الْحَمِيمُ قَائِلاً: لِنَذْهَبْ وَنَعْبُدْ آلِهَةً أُخْرَى غَرِيبَةً عَنْكَ وَعَنْ آبَائِكَ 7مِنْ آلِهَةِ الشُّعُوبِ الأُخْرَى الْمُحِيطَةِ بِكَ أَوِ الْبَعِيدَةِ عَنْكَ مِنْ أَقْصَى الأَرْضِ إِلَى أَقْصَاهَا، 8فَلاَ تَسْتَجِبْ لَهُ وَلاَ تُصْغِ إِلَيْهِ، وَلاَ يُشْفِقْ قَلْبُكَ عَلَيْهِ، وَلاَ تَتَرََّأفْ بِهِ، وَلاَ تَتَسَتَّرْ عَلَيْهِ. 9بَلْ حَتْماً تَقْتُلُهُ. كُنْ أَنْتَ أَوَّلَ قَاتِلِيهِ، ثُمَّ يَعْقُبُكَ بَقِيَّةُ الشَّعْبِ. 10ارْجُمْهُ بِالْحِجَارَةِ حَتَّى يَمُوتَ، لأَنَّهُ سَعَى أَنْ يُضِلَّكَ عَنِ الرَّبِّ إِلَهِكَ الَّذِي أَخْرَجَكَ مِنْ دِيَارِ مِصْرَ مِنْ نِيرِ الْعُبُودِيَّةِ، 11فَيَشِيعَ الْخَبَرُ بَيْنَ الإِسْرَائِيلِيِّينَ جَمِيعِهِمْ وَيَخَافُونَ، وَلاَ يُعَاوِدُونَ ارْتِكَابَ مِثْلِ هَذَا الأَمْرِ الشَّنِيعِ بَيْنَكُمْ. هاهي كتب الديانتيين سماويتي الاصل تتحدث عن نفس الامر واشد قوة , فلماذ يدان الاسلام وحده بما يجمع عليه الجميع . وعلى كل هو امر طبيعي للحفاظ على وحدة الدولة لان الدولة في الاسلام قائمة عليه , وبالتالي يكون الطعن فيه والتشويه على اهله سبب من اسباب الاضطراب الاجتماعي , ويعادل الخيانة العظمى للامن القومي .
17 أبريل, 2011 12:40 ص
حذف
Blogger محب روفائيل يقول...
@واحد من الناس أولا وقبل كل شىء ، عاوز أقول لحضرتك أنك عارف آيات فى المسيحية أكتر منى أو أنك بتنقيهم :) ثانيا : أنا معرفش حاجات كتير فى الاسلام غير اللى كان بيحكهولى زمايلى واللى كان أساتذة اللغة العربية بيشرحهولنا سواء فى المنهج أو لا ، وكمان لما كنا بنقعد فى حصة الدين الاسلامى لما كان مدرسنا بيغيب ، وكل ده غير كاف على الاطلاق فى أن أتحاور بطريقة عفوية مع حضرتك وانت العالم بأشياء كثيرة ، لكن سبب عدم فحصى للأسلام ، وعدم البحث فيه هو اقتناعى بالمسيحية كطريق الى الله . بخصوص الحروب اللى جت فى يشوع ، فأنا عن نفسى أطلق على يشوع الرجل الدموى فى التاريخ ، لكن فلنفترض لكام لحظة أنه أخد كلامه من ربنا وده متفق عليه فى الانجيل وان الكلام ده مش محرف ، وده انت مش هتوافقنى فيه بس فلنفترض أن حضرتك وافقتنى ، لا لا يا عم ، أنا مش هكرر الكلام ده كتير ، أنا هبحثلك عن الكتاب اياه وهجيبلك اللينك ، فيه كل الاجابات عن الحاجت دى بمنطقية شديدة ، وأنا مهما كنت مش هعرف أجاوب زيه ، ثانية لما أدورلك على النت عليه :) بقالى 3 دقايق بدور ولسة :) عموما آدى الموقع اللى جبت منه الكتاب http://www.one-god-one-message.com/ ثانية أجبلك رابط الكتاب نفسه :) بص معلش يا دكتور الموقع مش راضى يحمل عندى ، لأن فيه مشاكل فى النت عندى ، عموما الكتاب اسمه اله واحد رسالة واحدة ، وهو الكتاب الرئيسى فى الموقع على ما أفتكر . حضرتك رديت رد تانى وانا بكتب ، يا حلاوة ، أنا مش ملاحق خالص :)
17 أبريل, 2011 12:43 ص
حذف
Blogger محب روفائيل يقول...
@واحد من الناس أول آية بتاعة جئت لألقى سيفا ليس لها علاقة بالردة ، بل بالأضطهاد اللى هيشوفوه المسيحيين من كل جانب ، المسيح كانوا الناس يحسبوه هيجى كملك ويحررهم من حكم الرومان ، لكن هو نفى الحتة دى بل وزود عليها الكلام ده علشان منقولش مقالناش ليييه ؟ هو ده تفسيرى على الآية دى ، وللصدفة البحتة كنت قريت منذ سنتين سؤال كان أثاره عمنا توفيق الحكيم بخصوص الآية دى فى جريدة الأهرام وكان بيتكلم باحترام كبير للأنجيل ولعقول الأقباط ذات أنفسهم ، فلقيت فى مجلة الكرازة الرد ، بس للأسف مش فاكر أيه الرد ده . كل ما يتعلق بالعهد القديم من هذه الأفعال التى لا تقبلها المسيحية اليوم ممكن أرد عليها بس ردى مش هيكون اللى هو لأنه مش عن دراسة لكن عن فهم شاب لسة معدى ال19 سنة ،يعنى مثلا ربنا استنى الشعوب الوثنية الكنعانية مدة 400 سنة علشان يتوبوا ولما ماتابوش راح حرمهم على يد شعبه القديم ، وحكاية موت الأطفال والنساء والشيوخ ، أحب أدعوك لقراءة رد الكاتب فى الكتاب اللى أشرت عليك بيه ، رد مقنع الى حد كبيييييير جدا . أما بقى الاسرائيليين مكانوش زى المسيحيين دلوقتى ، وممكن تقول ده نسخ ، أنا بقول ممكن مش بالتأكيد ، اليهود كانوا ومازالوا شعب غليظ الرقبة ، لذلك ترويضهم كان عاوز قسوة ، بس استنى حضرتك ده مش نسخ ، لأنه لو فيه شعب مسيحى زيهم كان مجلس الكنائس هيختار قواعد العهد القديم اللى بتتناسب معاهم :) بجد أنا مش عارف ومش عاوز أفتى ، اعتبرنى كنت بهزر :):):):) المهم ، نولت الكتاب ولا لسة ؟
17 أبريل, 2011 12:57 ص
حذف
Blogger واحد من الناس يقول...
بداية اشكر لك مشاعرك الطيبة ولكن لن يدخل احد الجنة بوجهة نظر احدنا , انها حقائق , فالمسلمون لا يؤمنون ان المسيح هو الله فالبتالي لن يدخلوا في نفس انعيم الابدي الذي جاء به المسيح لمن يأخذ صليبه ويتبعوه , نحن نتكلم عن رؤية الكتاب المقدس وليس رؤية او امنية احدنا . وعلى كل حقيقي اتمنى من كل قلبي ان ربنا يجمعنا كلنا في الجنة لكن امنيتي ليست مفتاح الجنة ولا رغبتي هي الطريق اليها فقد قلت لك سابقا انها مسألة ايمان وعمل صالح كما جاء في كل الكتب السماوية و تحتاج الى عمل وليس اماني ليه الانجيل يتحرف والقران لا , لان الانجيل زي مقلت اتكتب في 16 قرن ,بينما القران كتب في نفس وقت نزوله , وعلى اقص تقدير تم جمعه في كتاب واحد بعد 15 سنة تقريبا , ده ممكن يكون سبب لمكن السبب الاهم هو قول الله سبحانه ( ولو كان من عند غير الله لوجدوا فيه اختلافا كثيرا ) لذا فالبينة على من ادعى , فلا يكفي ان تقول ان القران فيه تحريف بل ائتي بالجزء الحرف حتى نراه وهذا ما يمكن جمعه الان مما يدعي بعض المسلمين انه تحريف في الانجيل • فقد كان عيسى يقول"لاتظنوا أنى جئت لانفض الناموس أو الانبياء ما جئت لانقض بل لاكمل "متى5/17 وهذا اعتراف صريح بأن رسالتة تكملة لرسالة موسي وقد جاء عيسى نبيا الى بنى اسرائيل وليس الى العالم والسؤال لماذا اختلفت تعاليم المسيحية عن اليهودية , مثلا الخنزير محرم في العهد القديم فلماذا تم تحليله اذا لم يكن هناك نقض . • كما جاء فى متى 15/24 مانصة"ثم خرج يسوع من هناك وانصرف الى نواحى صور وصيدا واذا امرأة كنعانية خارجة من تلك التخوم صرخت قائلةارحمنى يا سيد يا ابن داوودابنتى مجنونة جدا فلم يجبها بكلمة فتقدم تلاميذة وطلبوا الية قائلين اصرفها لانها تصيح ورائنا فأجاب وقال لم أرسل الا لخراف بنى اسرائيل الضالة"وتلاحظ هنا شيئين ( لم تقل المرأة يا ابن الله كذلك حدد هو دعوتة لبنى اسرائيل فقط) فلماذا قيل هو بن الله ولماذا يؤمن به الاقباط اذا كانت رسالته الى بني اسرائيل فقط , واذا طكان هناك امر فيما بعد بان يتجه التلاميذ الى جميع الامم افلا يعد هذا تناقضا يتنزه عنه كلام الرب ( كمسلمين يمكننا اعتباره نسخ , ولكن بما انكم لا تؤمنون بالنسخ فماذا تسمونه ؟) • وفى متى ايضا ان قال للحواريين وخلى بالك هنا ذلك قوله لمن أرسلهم للتبشير "الى طريق امم لاتمضوا والى مدينة للسامرين لاتدخلوا بل اذهبوا بالحرى الى خراف بنى اسرائيل الضالة"متى 10/5,6 أيضا وفقط الى بنى اسرائيل • أحد الأغنياء إذ كان يسأل عيسى عليه السلام مخاطباً إياه (أيها المعلم الصالح) ماذا أعمل لأرث الحياة الأبدية ؟ أجابه لماذا تدعوني صالحاً ؟ ليس أحد صالحاً إلا واحد وهو الله) (مرقس 10 : 17 - 18) (لوقا 18:18) (متى 16:19) اي انه ليس الله , هي صريحة هنا بلا صعوبات اللاهوت والناسوت كتب متى في [ 12 : 17 ] مستشهداً بالعهد القديم ( بخصوص المسيح ) : ( لكي يتم ما قاله النبي إشعياء : هوذا فتاي الذي اخترته حبيبي الذي به رضيت سأفيض روحي عليه . ) هذه العبارة انفرد متى بذكرها وهي مخالفة للعبارة الأصلية الموجودة في سفر إشعياء [ 42 : 1 ] لأن عبارة إشعيا هكذا : (( هوذا عبدي الذي أعضده مختاري الذي سرت به نفسي )) وانا اقول رغم ان فتاي افضل من عبدي لكن عندما يستبدلها كاتب يفترض فيه الوحي فقد يكون المعنى مقصودا لنفي العبودية وهي ما يؤمن به الملسمون في حق محمد والمسيح على السواء كفاية كده النهاردة علشانم انا تعبت :) منتظر تعليقاتك .
17 أبريل, 2011 01:20 ص
حذف
Blogger محب روفائيل يقول...
@واحد من الناس بص يا دكتور أنا هرد على اللى أعرفه واللى مش هعرف أرد عليه بالأضافة للى أعرفه هتلاقيه صدقنى فى الكتاب لكن أنا للأسف لسمة مخلصتوش . المهم سبب منطقى لعدم تحريف الانجيل ، هل الله قادر على حفظ القرآن وعلى حفظ الأنجيل مقدرش ، هل هو موبايل فى وقت يكون شغال كويس ووقت بيهنج ( حاشا لله طبعا ) بخصوص المرأة الكنعانية وذكرك لقصتها فهذا وضح لى أن حضرتك بتقرا آيات آيات ، يعنى مش بتقرا الكتاب المقدس كاصحاحات أو كقصص كاملة الا عندما يتفق مع ما تدعيه وهو أنه محرف زى قصص القتل ، المسيح قالها كده لأنه كان عاوز يمتحنها ولو لاحظت فى آخر القصة قالها يا امرأة عظيم هو ايمانك ، اذهبى بسلام لأن ابنتك قد شفيت ، لو كان لبنى اسرائيل فقط ، كان استحالة هيقولها كده ، كمان المسيح راح السامرة كذة مرة واللى كانوا رسميا مش اسرائيليين فى الوقت ده . بالنسبة للشاب الغنى ليه منقولش أن المسيح كان عاوز يعرف أو يعرف أى حد ماشى معاه أنه هو الله ، كان عاوز يثير الحتة دى فى دماغ الشاب ، حاجات كتير عاوزة تتفهم !! :) زى ما قلت لحضرتك الكتاب اللى قولتلك عليه ده مية مية ، بس عارف أوحش حاجة فى المناظرات أو الحوارات الدينية أيه ؟ لما أنت أو أنا يعنى كل واحد مؤمن بأن كتاب التانى محرف ليه نقارن الآيات ببعض ، لأنه لو كان محرف حتة وحتة لأ ، فالحتة المحرفة بالنسبة ليا انت هتعتبرها الصح والعكس صحيح ، أنا منعنس ومش عارف اتكلم ، اعذرنى لو الحوار شد معايا المرة دى ، الكاتب بتاع الكتاب اياه بيقولك أيه : فيه 3 أنواع بيقروا الانجيل ، علشان مطولش عليك هقولك النوع التالت بس وهو الناس اللى بتقراه أصلا علشان تطلع منه أخطاء ، ودول صعب يقبلوه على أنه كتاب الله ، وأنا اعتقدت مؤخرا أن حضرتك تتبع هذا التصنيف :) عموما ، تحياتى لحضرتك وشكرا على الحوار الممتع ده ، مع أنى كان ليا سنتين تلاتة مدخلتش حوار أديان لكن كله ده علشان خاطر حضرتك ، لأن أنت تؤمر ، هو أحنا لينا كام دكتور يدعى اسلام طه ؟ none :):)
17 أبريل, 2011 01:47 ص
حذف
Blogger واحد من الناس يقول...
انا جيت تاني شكلنا بقى مورناش غيرك :) طيب لما الانجيل يكاد يكون موافقي في طرحي , انت بتجيب كلامك منين , واذا كنت انت مش مؤمن بنصه , ازاي تطلب مني اني اصدقه يا عم مارتن لوثر الاثوذوكسية :) ** عدم بحثك في الاسلام بسبب قناعتك , طيب انا قناعتي ممنعتنيش من البحث لان الاشياء من هذا القبيل هي محور الحياة قبل الموت وبعده ؟ ** لا لا انا لا انكر امكانية ان كلام يوشع من الرب لان عندنا امر من النبي اننا لا نكذب ولانصدق ماجاء عن بني اسرائيل حتى لا نكذب شيئا صادقا او نصدق شيئا كاذبا , كل سبب نقلي , ليه بيلوموا الاسلام على اشياء موجود اشد منها في العهدين القديم والجديد . فهمتني ؟؟ **ياريت رابط الكتاب لان الموقع فيخه كتب كتيير بس انا بتحاور معاك وانت قريته يعني ممكن ترد عليا من غيره وعلى كل ارسله ليه واوعدك اقراه , بس توعدني انت كمان تقرا المصحف نفسه من غير كلام حد عنه واقرا تفاسيره , زي انا معملت , انت متخيل اني بنقي ايات , المسألة مش كده انا زمان قريت كتب كتيير عن المسيحية فقلت لنفسي طيب ما ممكن يكونوا اللي كاتبيين الكتب دي علشان واخدين موقف من المسيحية , انا اقدر اقرا الانجيل بنفسي , وقريت فيه كتيير وجدت ان الكلام حقيقي مش ادعاء برغم اني وجدت بعض المبالغات احيانا وعرض نقاط يمكن تفهمها . **انا ححترم فيك كلمة مش عارف , بس محاولة المعرفة واجبة على الناس اللي ربنا انعم عليهم بالعقل . **نؤمن نحن المسلمين ان الله عزوجل استحفظ الكتب السابقة لاهلها فضيعوا بعضها , بينما تكفل بحفظ القران ربما يكون لانه اخر الكتب ولن يأتي نبي اخر ليصحح للناس ما افسدوه . ** اسـألك اسئلة بعيد عن الايات اللي انت بتقول انا بنقيها ليه انا مشفتش مسيحي حافظ الكتاب المقدس كامل .على عكس ان فيه ملايين المسلمين ومن غير العرب يحفظوه عن ظهر قلب وايه اللي يخلي النسخة الموجودة في الشرق من الكتاب المقدس احق بالاتباع من نسخة الملك جيمس بتاعة الكاثوليك ؟؟ الا اذا كان فيه تعارض فعلي وبما ان نسخ الانجيل متعارضة بينما نسخ القران لا يوجد بها اختلاف بهذه الطريقة فدا ممكن نسميه ايه او نبرره ازاي ** انا فعلا منقتش ايات , زمان كنت حافظ حاجات اكتر من كده , بس بمرور الةوقت اكتشفت ان فيه زملاء مسيحيين كتيير عهارفين ان الشبهات اللي بيقولوها مردود عليها واحيانا كانوا بيبقوا عارفين انها غلط ومش موجودة في القران ومع ذلك بيقولوها ده اعطاني انطباع سىء الى حد ما عن موضوع المناظرات , يعني مثلا انت معلقتش على ايات الرحمة والاحسان بعد القتال متهيألي دي تنفي الاتهام بتاع الاجندات * انت صنفتني وانا وضحتلك , انا مقرتهوش علشان اطلع فيه غلطات , انا قريته علشان اعرف الكلام اللي بيتقال عليه صح ولا غلط . كام مسيحي قرا باي نية من غير ما يسمع كلام الكنيسة ؟؟ تحياتي مع الشكر على سعة صدرك وقبولك الحوار
17 أبريل, 2011 08:20 ص
حذف
Blogger محب روفائيل يقول...
@واحد من الناس أهلا وسهلا يا دكتور ، بصراحة حضرتك منورنى قبل ما أقول أى حاجة عاوز حضرتك تعرف أن الموضوع ده جزء أول مش موضوع كامل ، والجزء التانى هعمله قريبا ان شاء الله . ثانيا : أحب أعتذرلك عن أى حاجة قد تكون بدرت منى امبارح ، أنا كنت منعنس بجد ، وأنا من ساعة ما اتولدت عصبى ، ولما كنت بتعصب كنت بسب بالدين سواء لمسيحيين أو مسلمين ، لكن تبت على ايد مدرس عربى عندنا فى البلد فى 5 ابتدائى ، لم يكن يفرق بينى وبين ولده ، وده لأنى كنت أشطر من ولده بحاجة بسيطة ، ده حتى لأنه شيخ كان بيقرا القران بالتلاوة والترنيم وأنا كنت بقلده فى كل حاجة زى تكرار الكلمات زى مثلا كلمة خالدين فيها ، كانت بتتقال فى آخر المقطع وتتقال تانى فى أول المقطع اللى بعده ، يعنى أنا متمرس على فكرة :):):) على ما أظن الآية كانت بتقول تجرى من تحتها الأنهار خالدين فيها ، يعنى بيقصد الجنة طبعا :) بخصوص قراءة الكتاب المقدس من قبل مسلم ، بالذات لو كان المسلم ده كان قارى حاجات ضد الكتاب المقدس مسبقا ، استحالة هيقدر يقراه بموضوعية ، صدقنى الكلام ده حقيقى :) فيه أيه تانى يا واد يا محب ، فيه أيه تانى ؟ استنى طيب لما أدور :) الموقع بحاول أفتحه من أكثر من متصفح ، لكن زى ما قلت لحضرتك أنا قريت منه أوائله ، وده ليه زمن ، بالتأكيد هكمله لأنه فعلا ممتع ، بس مش دلوقتى لأنى مشغولياتى كتيرة دلوقتى :) كمان حضرتك عارف أننى فى مجتمع عربى ، يعنى أغلبنا منزوعى العقل ، وده بيمشى مع المسيحيين زى ما بيمشى مع المسلمين ، علشان كده بنلاقى ارهاب وتطرف ، يمكن من الجانبين ، ومفيش حوار أصلا ، وحتى لو فيه حوار بيبقى حوار قرود ، حتى أنا لما حاورتك هنا حاولت كتير أبعد عن حوار القرود ، لكننى أظن أنى اتعصبت فى التعليق اللى فات :) لأ الموقع مش راضى يفتح من المتصفح التانى ، عموما الكتاب اسمه اله واحد رسالة واحدة ، وهو أصلا الكتاب الرئيسى فى الموقع ، صدقنى مش هتاخد أكتر من دقيقة علشان توصله . بس أنا المشكلة عندى ان النت بطىء ، ده أنا أصلا بكتب التعليق ده وبقسمه علشان النت يقبله :) نتى دلوقتى 64 كيلوبايت ، أهم على قدنا وخلاص ، ونعمة من الكلاب بتوع النت :) لأ خلاص أنا فقدت كل أمل أنى أجيب الكتاب بس هو عندى على الكمبيوتر ، طيب خلاص أنا هرفعه قريب على حسابى فى الفور شيرد ، وهو أصلا كله 2.4 ميجا ، يعنى مش شغلانة كبيرة :) أوحش حاجة فى الدنيا التأويل بغير وجه حق ، لأنه حتى الآيات اللى المسلمين مش بيؤمنوا بتحريفها يبؤلوها بصورة زبالة ( سورى فى اللفظ ) لأنه استحالة مثلا يكون الروح القدس هو النبى محمد ، انا عمرى ما هقدر اتخيلها :) ده كان فى كتاب قديم اداهونى ابن مدرس العربى ( زميلى ) بس لما كنا فى ثانوى بقى . أخيرا بقى علشان تعرف يا دكتور أنا أزاى وأمتى وفين ؟ أنا مش كاهن ولا حتى شماس وان كنت لبست مرتين تلاتة لبس الشمامسة ، فدى غلطة ومش هتتكرر تانى :) مش لسبب الا أننى غير مستحق بصراحة خدمة الهيكل ، ولا حتى اى حد من اللى بشوفهم غير قليل جدا طبعا . ثانيا أنا مش نفسى أبدا أبقى دينى ، أنا ليبرالى علمانى ، بس لما بلاقى حد بيحاول يتكلم معايا فى الدين هتكلم علشان بس ميزعلش ، وبصراحة الحوار مع حضرتك كان ممتع . قريت قصيدة مؤخرا بيقول فيها صاحبها يسوع يكره الديمقراطية ، وده صحيح فعلا لأنه لا سبيل الا الليبرالية ممكن يوصل للمسيح أو لله على اعتبار ان المسيح ليس هو الله . يعنى مثلا مصطفى محمود لف لف ورجع تانى ، ده رغم أنه كان فى زمن الاشتراكية ، وحتى ملحقش الليبرالية ، بس اللفة اللى عملها مصطفى محمود كانت مفيدة له كتير ، بغض النظر عن أنه أختار أى دين ، لأنه أختيار الأديان هنا فى الشرق الأوسط ، تحكمه عدة معايير وعقائد ، أنا أقول أن عقوبة الأرتداد مازالت قاسية فى القران رغم ما قد تقول عما فى التوراة والعهد القديم ، وتذكر انه نسخ عن نسخ يفرق ، رغم أن كلمة نسخ غير محببة فى الأوساط المسيحية . أما بقى بخصوص ابن حماس ، زكريا بطرس ، عبود الزمر ، لو ولعوا بجاز أنا ماليش دعوة ، أنا كل اللى عاوزه الناس تهدى بس علشان نعيش فى سلام ، عرضى لكتاب ابن حماس كان سياسى بحت ، وبرضه ليه جزء تانى هوضح فيه موقفى من كلامه زى الجزء التانى اللى هعمله للقمص برضه. يتبع لأنه قاللى مش هينفع تكتب ده كله :)
17 أبريل, 2011 01:27 م
حذف
Blogger محب روفائيل يقول...
فى مرة أستاذ العربى فى اعدادى وكان شيخ برضه ، بس علاقتى بيه مكانتش اللى هيا لأنه كانت حصة احتياطى :) المهم قال أنه لما راح الشيخ الراوى ( من قريتنا ) أمريكا ورجع قاللى بالحرف الواحد فى نص ساعة من وعظى تحول 17 واحد من المسيحية للأسلام ، الكلام ده قد يكون مضايقا لبعض زمايلى وقتذاك ، لكننى ماتضايقتش ، بس محترمتش هذا الشيخ ، ولأسباب أخرى عديدة غير السبب ده ، يعنى فاكر فى مرة ، كنا ماشيين معاه فى الشارع ولقيت البنات بتسلم عليه ، فقعد يشرحلنا عن شنط البنات ، يعنى مؤخراتهم ولا مؤاخذة :) شفت أنا صريح ازاى ، ويكش تولع :):):) لأ أنا مش على حضرتك طبعا ، أنا على العلاقة بين المسيحيين والمسلمين ، أصلى لو مقلتش كل حاجة هبقى منافق ، وده مبحبهوش :) العفو يا دكتور ، صدقنى حوارك كان من أمتع الحورارات اللى قمت بيها ، بس عاوز حضرتك تعرف حاجة ، تكاد تكون انت اللى غالب فى الحوار ده بلهجة الناس البلطجية اللى مبيفهموش حاجة عن الحوار ، لكن الحوار يا أما تقنعنى يا أما أقنعك ، وده واضح أنه محصلش :):):) سلام بقى لأنى الظاهر كده طولت جدا :) ملحوظة : هجيبلك رابط الكتاب هنا فى نفس الموضوع فى أغلب الأحوال .
17 أبريل, 2011 01:28 م
حذف
Blogger محب روفائيل يقول...
@واحد من الناس دكتور أنا حملت الكتاب والرابط بتاعه أهه http://www.4shared.com/document/mQIifHWi/_____-_______.html بس عاوز أقولك حاجة قبل ما تقراه ، طريقة الكاتب مختلفة تماما عن طريقة القمص زكريا بطرس ، وأعلم أن مشاعرك لن تجرح على الاطلاق من قراءة هذا الكتاب ، صدقنى هتحس ان الكاتب بيدردش معاك . تعرف ليه أنا مش بكرز وأبشر زى ما الانجيل أمر ؟ لأن الأنجيل بيبشر لنفسه ، كما أن الله أحب أن يشركنا فى عمله ، أنا بقى ببصلها من ناحية تانى ، وبقول أن الكتاب اللى بيعتبر مقدس وميقدرش يقف فى وش الناس يبقى مش كتاب ربنا ، وربنا قادر على كل شىء ، عموما حتة رفع الكتاب دى يعتبر تبشير ، اقتنعت بيه ماقتنعتش انا مالييش دعوة ، أنا رفعته وجبته بس لما لقيت أسألتك بيسألها كل مسلم وبكرر اجابتها كتير أو ساعات مبعرفش أجاوب عليها ، فى الكتاب ده هتلاقى اجابات كتير لحاجات بتدور فى دماغك . أصحابى المسلمين بيقولوا مش عارف السنة أو القرآن بتقول أنه الذمى لن يرضى عنك الا لو بقيت فى ملته وتأكد أنى بقولك أن القطعة دى مهما تكون من سنة أو قرآن هى كاذبة ، معلش على الصراحة والشجاعة ، انا ممكن يكون نفسى فعلا أن أصدقائى الأزهريين يكونوا معايا فى الملكوت ، لكن طالما هما مقتنعين بدينهم خلاص هعاملهم زى ما بعامل أصدقائى المسيحيين ، يا أما كده يا أما أنا منافق ، وشجاعتى اللى شفتها فى كلمة كاذبة ، لا تتفق على الاطلاق مع كونى منافق ، ولا أيييييه ؟؟؟ عذرا لو كنت اتضايقت ، لكن أنا بحب أوضح الأمور على الآخر ، ويكش الحكاية تولع ، ماهيا كده كده خربانة :) بس اللى عاوزه منك بجد انك متضايقش من كلامى زى ما انا مش بتضايق من الكلام اللى بيقول الانجيل محرف ، ياريت تستحمل كلامى شوية . سلام بقى علشان أنا الظاهر كده خرفت :):):)
    
    وهنا يكون حوارنا قد انتهى ، وهو كما ترون حوار ممتعا ، لكن لمن يريد رابطا آخر للكتاب ، فليتفضل بالضغط هنا وهو الموقع الأصلى .

    مع تحياتى : المحب لكم دائما / محب روفائيل .
 

هناك 7 تعليقات:

  1. ** طيب فيه نقطة بس محتاجة توضيح , ان الشجاعة مش القدرة على الشتيمة
    لان كل الناس تقدر تشتم , بينما قليلين همه اللي يقدروا يمارسوا النقد الموضوعي اتمنى دايما تكون من التانيين :)


    ** طيب انت عارف ان العلمانية نوعيين non religious < anti reli
    لا ديني , ومضاد للدين

    على كل الكلام مع ليبرالي بيختلف تماما مع المتدين بدين ايا كان الدين , لان الليبرالي او العلماني لا يلتزم بنصوص الديانة اصلا او بعضها يعني بيختار اللي على مزاجة واللي مش على مزاجة بيقول لا مينفعش ده وباالتالي مفيش نص شرعي يمكن الاستدلال بيه عليه لانه لو وجد ان النص مش عاجبه حيقول لا انا مش مقتنع بيه وده بيسقط الديانة نفسها من قلب وعقل الشخص لانه كده بيؤمن بهواه مش بديانته . اتمنى تكون وضحت


    ** الايه بتقول ( ولن ترضى عنك اليهود ولا النصارى حتى تتبع ملتهم قل ان هدى الله هو الهدى ولئن اتبعت اهوائهم بعدالذي جاءك من العلم مالك من الله من ولي ولا نصير )


    وبالرغم من انك قلت انك علماني يعني اقدر اعتبرك مش من النصارى :)
    بس مفيش مشكلةة حنشرحها علشان خاطرك بس

    وقال في معنى الآية : من شأن الإنسان أن يتألم من القبيح أشد التألم إذا وقع ممن لا يتوقع منه ، فكان النبي - عليه الصلاة والسلام - يرجو أن يبادر أهل الكتاب إلى الإيمان به ، وألا يرى منهم المكابرة والمجاحدة والعناد ؛ ولهذا كبر عليه أن رأى من إعراض اليهود والنصارى عن إجابة دعوته ، وإسرافهم في مجاحدته أشد مما رأى من مشركي العرب الذين جاء لمحو دينهم من الأرض ، مع موافقته لأهل الكتاب في أصل دينهم ومقصده من توحيد الله - تعالى - والإخلاص له وتقويم عوج الفطرة الإنسانية الذي طرأ عليها بسبب التقاليد ، وترقية المعارف الدينية إلى أعلى ما استعد له الإنسان من الارتقاء العقلي والأدبي ؛ ولذلك كان يخاطبهم بمثل قوله - تعالى - : ( قل يا أهل الكتاب تعالوا إلى كلمة سواء بيننا وبينكم ) ، وغيرها من الآيات . ولقد كان من الصعب - لولا إعلام الله - تعالى - أن تعرف درجة فتك التقليد بعقولأهل الكتاب وإفساد الأهواء لقلوبهم ، لذلك سلى الله - تعالى - نبيه عما كان يجده من عنادهم وإيذائهم بآيات كثيرة عرفه فيها حقيقة حالهم ، منها هذه الآية الناطقة بأن كلا من اليهود والنصارى على اتحادهم في أصل الدين قد تعصب لتقاليده ، واتخذ الدين جنسية لا يرضيه من أحد شيء إلا الدخول فيها وقبول لقبها ، فقوله تعالى: ( حتى تتبع ملتهم ) مراد به ما هم عليه من التقاليد والأهواء التي غيروا بها وجه الدين الواحد حتى صار بعضهم يحكم بكفر بعض .


    وحقولك حاجات انت مش راضي عنها زي مسألة اقامة الحدود يعني بافتراض انك مسيحي فانت مش حترضى عن وضع المسلمين في مصر في حالة اقامة الحدود الشرعية كقانون عام مع العلم ان الحدود جزء من التشريع يبقى انت مقبلتيش التشريع , ده مثال يبين ان الايه صادقة في وصف كتيير من الناس , لان هي دي القاعدة العامة والاغلبية , اما النادر والاستثناء ان وجد فلا يمكن اعتباره هو الاصل .


    تحياتي وشكري للمرة الثانيية

    ردحذف
  2. سؤال كنت حسأله ايام مكنت بحسبك مسيحي :)

    بس مفيش مشكلة يعني يمكن تجيب ليا اجابته


    هل فيه ايه في الانجيل المسيح قال فيها عن نفسه بصريح العبارة انا الله فاعبدوني ؟

    ردحذف
  3. @واحد من الناس
    @واحد من الناس
    مساء الورد يا دكتور : -
    رغم أنى مش متفق معاك على الاطلاق بخصوص تفسير الآية حتى من الجهة التاريخية وما يتعلق بها ، الا أنى فهمت حضرتك عاوز تقول أيه بالظبط ، وأقدر أستنتج من كلامك أن أى حد مسلم يقولى الآية دى تانى فى وشى بعد كده يبقى انسان مخرف ، لانها كانت لمرحلة ومشيت ، صح ولا غلط ؟
    بخصوص العلمانية أنا مش مهم عندى أدرس العلمانية وبعد كده أختار ، أنا أعرف أن العلمانية هى فصل الدين عن الدولة ، الظاهر أنى خلطت بين العلمانية الدينية والعلمانية السياسية وحضرتك أخطأت بعد غلطى ، أنا آسف :)
    ده التعليق الأول لأن الظاهر كده حضرتك علقت تانى ، عموما أحب أنبهك للتدوينة الأخيرة خالص بتاعة تساؤلات مشروعة ، يا ريت ترد على الحاجات اللى فيها .

    ردحذف
  4. أوك ، هو مقالش الكلمتين دول مباشرة ، بس قال حاجات كتير تساويها وأعظم منها كمان أكثر من مرة .
    الموضوع ده طويل ممكن تبص هنا : -
    http://www.arabchurch.com/forums/showthread.php?t=77595
    أو هنا
    http://www.truth-way.net/vb/showthread.php?2405-%C7%ED%E4-%DE%C7%E1-%C7%E1%E3%D3%ED%CD-%C7%E4%C7-%C7%E1%E1%E5-%DD%C7%DA%C8%CF%E6%E4%ED-%BF

    ردحذف
  5. انا رديت والمسالة ابسط من مقال طويل انت قلي هوه قال كذا وانا حصدقك


    انفعالك المستمر بقى مش لطيف



    لا انا مقلتش انها مرحلة تاريخية وانتهت . دي حقيقة ثابته ان غير المسلمين بالجملة مش حيرضوا عن المسلمين في حالة التزامهم بكافة الحدود والواجبات



    ** طيب نفصل الدين عن الدولة . ترضى ان القاضي يحكم على البابا بالزامه بالطلاق , وان يكون الزواج مدني مش كنسي

    انا عن نفسي وفقا لديني مش حارضى بحاجة زي كده


    اذا رضيت يبقى انت فعلا علماني وفي الحالة دي الكلام حيكون بطريقة تانية خالص , بس مفيش علماني بيتدل بالانجيل

    ردحذف
  6. الموقع محجوب يمكن علشان انا في السعوديية

    ردحذف
  7. @واحد من الناس
    يا دكتور المشكلة أن حضرتك وباقى الاسلاميين باصين غلط للعلمانية ، عموما أنا مش علمانى بحت ، انا باخد كل حاجة حلوة فى أى حاجة يعنى ممكن تلاقينى علمانى ليبرالى ديمقراطى اشتراكى !!!
    أنا آآآآآآآسف بجد أن كنت ظنيت ولو للحظة أنى اتنرفزت ، أنا بتنرفز أه بس جوايا ساعات ساعات ، وبكظم غيظى على قد ما أقدر ، علشان متطلعش منى عواصف غضب للى قدامى بالذات لو كان الدكتور اسلام طبعا :)
    بخصوص فصل الدين عن الدولة ، هذا لا يعنى تعارض القوانين ، أنا قصدى ميتكررش السيناريو بتاع العصور الوسطى فى أوروبا حيث كان بابا روما هو الحاكم الفعلى على كل أوروبا !!
    عارف يا دكتور ساعات بحس بخصوص الطلاق أن المفروض البابا يقدم نصايح ويقول اللى جه فى الانجيل بس ، مش يدخل معارك شرسة كده ، آدى الليبرالية أو العلمانية اللى أنا عايزها مش أقولهم فى الكلية الواد وشه يجيب الوان الطيف ، انتوا ليه بتخوغوهم من الليبرالية والعلمانية ؟ :):):):)
    يا دكتور بجد أنا آسف لو كنت حسيت ولو لمرة واحدة أنى اتعصبت ، أنا مقدرش على زعلك :)
    بخصوص الموقع محجوب ومش محجوب ، طيب أدخل على جوجل وابحث ، وهات حاجة مسيحية ، وشوف ايه اللى مكتوب ، بخصوص ذكر الجملة نفسها فهى مش موجودة فى الكتاب المقدس كله لكن موجود شبيهاتها ، وكله بيأدى نفس المعنى ، بس فيه ملحوظة : المفروض السؤال يكون فيه هل قال المسيح انا ( الله ) فأعبدونى ، ربما هكذا الاجابة تكون صعبة ، لكن على الأقل السؤال سيكون أكثر ملائمة للعقيدة المسيحية حيث الآب والابن والروح القدس هم اله واحد وهو الله .
    تحياتى يا دكتور .

    ردحذف