الثلاثاء، 19 أبريل، 2011

تاج الثورة ، ثورة 25 يناير ، ثورة رجوع الكرامة المصرية !!


رغم ازدحام المشاغل ، وكثرة المهام ، والامتحانات التى تطرق الأبواب الآن ( ميد تيرم طبعا :) الا أننى أجد أنه ( حلوة دى طبعا !!) لزاما على أن ألبى طلب أختى الغالية المدونة شيرين سامى صاحبة مدونة حدوتة مصرية ، حيث دبستنى ( ولكن تدبيسة حلوة بالطبع :) بهذا التاج أو الواجب أو سموه كما تشاءون ، الموضوع الأصلى ستجده هنا ، وهو بالطبع روعة روعة روعة !!


لقد قارب العيد على المجىء ، ونحن الآن فى أيام البصخة أو أسبوع الآلآم ، لكننى لم أستطع قط أن أصرف بالى الآن عن ( أؤجل ) هذا الواجب لما له من أهمية عظيمة فى صدور وقلوب المصريين والعرب جميعا .


بالمناسبة : مع احترامى الشديد جدا للثورة التونسية ، وطلبى بالرحمة من الله تعالى للبو عزيزى ، الا أنى لا أجد بد من ذكر ما قاله أستاذ البرمجة فى أول يوم دراسة : الثورة التونسية بعدما انتهت لم يحرك لها العرب ساكنا ، لكن بعدما نجحت الثورة المصرية تحركت معظم الشعوب العربية ، وهذا يدل وان دل على الدور الريادى لمصر فى المنطقة ، والذى لم تخسره بعد ، ولن تخسره ان شاء الله !!

نأتى الآن الى أسئلة التاج ، شاكرين بالطبع الباشدكتورة شيرين سامى ، وطالبين منها اقتباس صورة موضوعها :)

 
السؤال الأول: * هل توقعت ثورة 25 يناير؟
فى الحقيقة كنت أتوقع أن شيئا سيحدث بعد أن أعلن الشبابعلى الفيس بوك  أنهم سيقومون بثورة مثيلة لثورة تونس ، ومن دواعى فخرى - رغم أننى لم أشارك بالثورة كما سيتضح فيما بعد - أننى كنت من مفجريها على الفيس بوك ، لأننى كنت متضايقا أن مصر رغم الظلم الذى يتعرض له شعبها والذى هو أكثر من الظلم الذى يتعرض له شعب تونس الشقيق ، لم تقم بها ثورة بعد ، بل وقامت فى تونس وقاموا بخلع بن عابدين وبدون محامى خلع !!! 
أتذكر فى مرة قلت : أننى أنحنى أحتراما ، وأخلع قبعتى اجلالا للشعب التونسى العظيم ، والذى جعلنى أبخس من قدر الشعب المصرى ، الذى لم يسترد كرامته بعد !! وفى مرة أخرى قلت : أين النشطاء ؟ لقد قارب الأقباط على المصالحة مع الدولة بعد الحكم على قاتل شهداء 6 يناير ، وبهذا لن يكونوا ضمن الثوار ، وأشياء أخرى كثيرة ،  اذن كنت أريد هذه الثورة ومن كل قلبى ، لكننى لم أتوقع على الاطلاق أن نزيل مبارك مثلما فعلنا ، فحتى طموحاتى لم تكن لتصل هذه الدرجة ، لأننى لم أتعرض الى هذا الحين الى ظلم مباشر ، بل هو الظلم الواقع على جميع أطياف الشعب المصرى ، وهو الشعب الذى رغم كرامته يقنع بالقليل للأسف ، ماعدا ما حدث فى الثورة بالطبع . حيث أن الشعب لم يرض بغير الرحيل بديلا ، فليحيا الشعب !!
* وهل كنت من ثوار ميدان ( التحرير - الكنبة - الكمبيوتر - حدد الميدان الآخر الخاص بك)؟
كما قلت فى السؤال الماضى ، فأنا للأسف لم أشارك فى الثورة ، هذا يعنى أننى كنت ثائر الكنبة أحيانا وأحيانا أخرى الكمبيوتر ، كان لى بعض الأدوار الصغرى جدا على الكمبيوتر ، حيث عندما حجبت السلطات موقع الفيس بوك بادرت بفك الحجب ، وكنت أنقل الأخبار الى من يريدها سواء هنا على المدونة أو فى شارعنا :) ، وهذا كله ( سبب ثورتى الكمبيوترية أو الكنبية !! ) لأنه لا يوجد من أخوتى الذكور أحد بأسيوط ، بل كلهم متفرقين فى محافظات القاهرة الكبرى ( الجيزة - القليوبية - القاهرة ) ، أما أبى فهو رجل مريض ، كما أن أمى وأخواتى البنات كان من المفترض أن يحميهم شخص ما ، يحميهم من بلطجية الحزب الوثنى ومن البلطجية العاديين المستقليين :) ، خاصة وأننا أثناء أيام الثورة كنا نسمع أصوات اطلاق الرصاص كثيرا وأحيانا عندما كنت أسهر منفردا ليلا أسمع صوت الرصاص قريبا جدا ، ليس لكون الوقت ليلا فى فصل الشتاء ، عذرا أنا لا أخطىء أبدا فى مثل هذه الأشياء ، فبالحساب وجدت أن الرصاص لا يبعد أكثر من خمسة أمتار على أكبر تقدير !! لكننى لم أخف كثيرا ، كان أبى وأمى وأخوتى البنات شبه مرعوبين بصراحة ، وأنا أيضا كنت خائفا الى حد ما ، لكننى - كما بدا لى مؤخرا - أشتريت قناع لا يظهر منه الا الابتسامة وراحة البال ، فكان يجن جنونهم ، عموما كانوا هم يصحون نهارا وينامون ليلا كالمعتاد ، وأنا كنت أفعل العكس ، وغالبا عندما ارى شىء فى قنوات الأخبار لا يسرنى كنت احول الى محطة أخرى مثل فوكس موفيز أو ام بى سى أكشن أو ....وهناك الكثيــــــــــــر!!

* ما لم تنجح الثورة في تحقيقه هو:
الثورة نجحت فى تغيير الكثير بلا شك ، لكن أكثر الأشياء التى لم تستطع تغييرها ، على الأقل فى بلدى أسيوط  ربما هى الآتية : -
  1. سقوط بناطيل بعض الطلبة الذكور ، وتسابقهم مع الفتيات فى اظهار شىء ما !! 
  2. وهو شبيه بالأول : ما زالت البنات غير محترمات فى ملابسها ( يعنى أنها تتسابق فى اثارة الذكور ) !!
  3. وهو له علاقة بالأول والثانى : مازالت أسيوط من أكثر البلاد فى ايجيبت والتى  تستطيع  فيها معاكسة كم لا بأس به من البنات ، وأحيانا الأولاد !!!
  4. البصق على الأرض والقاء الزبالة ( القمامة ) فى أقرب موضع من الاستهلاك .
  5. تعنت بعض الدكاترة فى الكلية !! ( حتى بعدما رحل أحدهم بعد أعتصامنا المجيد ، أتت بعده واحدة مقولكش ، ولا بلاش :) !!
  6. مازال الفساد موجودا وهذا بالطبع رأيته بأم عينى وبأبوها وبجدها !!!
  7. التليفزيون المصرى لم يتعاف بعد مما لحق به من فساد اعلامى .
  8. وأخيرا أدمغة المصريين ، للأسف نحن نريد التوعية فى كل شىء ، ونريد رقم أفضل فى التنمية البشرية على المستوى العالمى  ، ونريد أيضا عقد المؤتمرات .
  9. بخصوص الثقافة ، فيشهد الله أن الكتب القديمة أصبحت أغلى عما كانت عليه قبل الثورة ، وليس الكتب فقط بل أجرة السرفيس أيضا وأشياء أخرى كثيرة مثل لوازم المنزل والطبيخ  !!
 ولا أريد أن أطيل عليكم :)
* أكثر شىء فرحك في هذه الثورة هو: عدم سماع الشعب القبطى - وخاصة الشباب - لأراء الكنيسة ، بل وتحديها ، وأيضا تكاتف المصريين ، وأفضل شىء أعجبنى جدا هو وقوف الشباب الأقباط ككردون أمنى بشرى لحماية أخوتنا المصلين المسلمين فى ميدان التحرير . كما أن شعار الصليب والهلال فى ميدان التحرير كان له طعم جد مختلف !!
* الشخصية التي أعجبتك خلال الثورة: لا أدرى ، لكن دعنا نختار أحمد العسيلى !! أه بالأضافة اليه فقد أعجبنى ضابط الجيش الذى سموه الشباب بلقب أسد التحرير ، بغض النظر عن كونه مسيحيا الا أنه كان بطل الأبطال ، وله فيديو أو اثنان على اليوتيوب ، رأيت أحدهما بكيت !!
* الشخصية التي احتقرتها بسبب الثورة: كل من خرج بهتافات لمبارك فى ميدان التحرير لمجرد فقط أنه مستفيد من الفساد الذى كان منتشرا أثناء العهد الماضى ، لكن من كانوا يرون فى مبارك أحقية فعلا فهؤلاء ربما لهم مبرراتهم والتى لا أعرفها بالطبع . اما بخصوص أباء لهب وأباء جهل الذين قاموا بموقعة الجمل فهؤلاء أدعى لهم الله يوميا أن يفتح بصيرتهم !!
* أطرف ما سمعته خلال الثورة؟ فى الحقيقة الطريف لم يكن سمعيا ، بل كان بصريا ، فالصور واللافتات التى رأيناها جميعا فى ميدان التحرير كانت روعة ، أحدهم يقول : ارحل بقى علشان أروح أستحمى ، والآخر أرحل علشان أروح لمراتى ، وأحدهم كاتبا أربع حروف من اللغة الهيروغليفية وكاتب بجوارها أرحل بالهيروغليفية ، يمكن تفهم يا فرعون ، خفة دم لا مثيل لها فى أرض الله أجمعها !!
* القناة التي تابعت من خلالها أحداث الثورة هي: لم تكن قناة واحدة ، لكن اعتمادى أول الثورة كان على الجزيرة وبعد غلقها كنت أتابع أون تى فى والعربية وروسيا اليوم وبى بى سى .
* الجريدة التي كنت تقرأها لتتابع الثورة: لم أكن أقرأ جرائد ، لكن أحيانا كنت أقرأ موقع الدستور الأصلى على الانترنت .
* الكاتب المفضل خلال الثورة: لا يوجد !! بخصوص أحمد العسيلى فانا لم أقرأ له أثناء الثورة ، لكن كتاباته التى كتبها بعد الثورة  اعجبتنى
* المذيع (المذيعة) المفضل خلال الثورة هو: مذيعى ومذيعات الجزيرة ، ومذيعى أون تى فى أخص بالذكر حسن فودة وريم ماجد والباقين كلهم .
* كلمة تقولها لشهداء وجرحى 25 يناير: قال جعفر أستاذ الفيزياء فى جامعة أسيوط : خلى بالك أنت لازم تذاكر ، لازم تعمل اللى عليك ، ولازم لازم لازم ... ولو معملتش كل ده ، هتبقى خائن للشباب اللى ماتوا فى الثورة ، وللمصابين ، لأنهم ماتوا علشان سعادتك تقعد تتعلم هنا وجنبيك تكييف ، و... قصر الكلام أقول لهم : شكرا لكم جزيلا ، شكرا على قبولكم أن تكونوا ذبيحة فى معبد الظلم ، سأظل أشكركم  أيضا دائما طالما حييت !! وهذا أقل بكثير جدا جدا جدا مما فعلتموه أنتم . 
* متقولش إيه إدتنا مصر وقول حندي إيه لمصر.. عندك حاجة تديها لمصر؟ أنا أرى أنه مهما أعطى الانسان لوطنه ، لن يغطى الجميل أو يرد بعضه ، بالذات لو كان هذا الوطن هو مصر ، سأفعل كل ما بوسعى كى تصبحى يا مصر - قبل أن أموت - من الدول العظمى .
* من سترشح لرئاسة الجمهورية؟ ولماذا؟ المرشح الأفتراضى ( ليس virtual لكن default ) هو البرادعى ، ولو رشح الدكتور عصام شرف نفسه سأنتخبه ، بخصوص الفريق أحمد شفيق فعذرا له لأننا لا نريد حكما عسكريا رغم احترامى الشديد للرجل .  
* لو أصبحت رئيسا لمصر ما هي أول ثلاث قرارات لك؟ فى كل محافظة سأنشى قاعات للمؤتمرات والمحافل الأدبية والعلمية ، وأهتم بالكتاب وبسعره ، كما أضع 40 % من الناتج القومى تحت تصرف التعليم كما فعلت كوريا الجنوبية ، و5 % لخدمة البحث العلمى لتعويض ما قد فاتنا من ركبه ، وسأعطى أوامر لعلماء مصر المرموقين بالاسراع فى الانتقال الى الصحراء وتعميرها ، سأنفذ مشروع خط قطارات التنمية والذى سيربط بين جنوب شرق مصر ، بشمال غربها .
* لو أعطوك نصيبك من المليارات المسروقه, ماذا تتوقع أن يكون نصيبك منها و ماذا ستفعل بهذا المال؟ سأعمل حملة على الفيس بوك بأرجاع كل فرد نصيبه الى الحكومة والتى ستكون أمينة فى هذا الوقت ان شاء الله ، لنفكر نحن وهى فى عمل مشروع استثمارى ضخم يعود على البلد بالخير والربح والوفير واحترامنا لأنفسنا والذى كنا مفتقدينه لمدة من الزمن هذا قدرها !!
وبهذا أكون قد أنتهيت من هذا الواجب الجميل جدا ، لقد كتبته اليوم وفى هذه الساعة لأنه ربما أكون منشغلا الأيام القادمة لأنه ( عقبال عندكم ) العيد فى الطريق . 
مع تحياتى : المحب لكم دائما / محب روفائيل .

هناك 7 تعليقات:

  1. خلاص حنسيب اللي فات , انا بد\أت اقرا الكتاب , حلو وجميل الكتاب , لغاية دلوقت مش لاقي حاجة نختلف معاه فيها اصلا

    باستثناء حكاية علي اللي امن بالكتاب المقدس فابوه طرده , اكن اللي بيسلم من مسيحي الشرق , ابوه بيعمله حفلة وداع :)


    عجبتني الجملة دي خطة الله للجنس البشري في العهد القديم قد تحققت (ص 33 )
    وده احد اسباب ما يسميه الملسمين بالنسخ وهو ايضا اعتراف بحدوث تبديل وتغيير في احكام العهدين وده مبرره :)

    انت اللي ادتني الكتاب استحمل بقى :)

    ردحذف
  2. هو فيه نقطة غريبة , انه مصمم ان الانجيل اثبت من حيث التاريخ بالرغم من اعترافه ان اقدم نسخه موجودة من الانجيل سنة 325 ميلادية , بينما النسخ الموجودة من القران ترجع الي سنة 15 او 20 هجرة بالكتيرر يعني 15 سنة مثلا بعد وفاة النبي , والادهى من كده لو ميعرفش ان القران محدش بياخد فيه اجازة لقرايته الا اذا اخده شفاهه مش مكتوب بالسند المتسلسل المتواصل للنبي



    حذار فبعض الكاذبين يقول الحقيقة :)

    هكذا يقول الرب ان الاو وانا الاخر ولا اله غيري ..........من اعلم بهذه منذ القديم اخبر بها منذ زمان ...... اشعياء
    طيب هو استدل بتحقق النبؤات واعتبر ان الاعجاز الوحيد في القران هو البلاغة وده مش حقيقي بالاضافة ان البلاغة المعجزة يحكم فيها اللي بيعرفوا عربي زي المتنبي والعلاء بن المعري اذا كانوا يقدروات فعلا ولا لا

    المهم ان فيه ايه في القرانم قيربة من الكلام في اشعياء

    ( سنريهم اياتنا في انفسهم وفي الافاق حتى يتبين لهم انه الحق )

    وشفنا الايات زي مثلا ( الم . غلبت الروم في ادنى الارض وهم من بعد غلبهم سيغلبون في بضع سنين ) وهذا قد حدث فعلا بعدها عندما انتصر الروم على الفرس يوم ان كان وقتها شيء محب للمسلمين
    سؤال تاني بالمناسبة , جميلة الاية دي في سفر اشعياء اعتقد انها اقرب للاسلام منها لاي حاجة تانية , هوه الاله الذي لا اله غيره يبقى مين ؟ مش حاسس انها بتتكلم عن يسوع خالص

    ردحذف
  3. @واحد من الناس
    مع أنه هنا مش مكانه خالص ، لأنى أتعودت أعمل كل حاجة فى مكانها ، علشان على الأقل الناس متتلخبطش ، لكن لا بأس ، هنتكلم هنا وخلاص علشان خاطرك يا دكتور .
    أنا الكتاب ده نزلته من حوالى شهر ونص شهرين ، قريت منه حوالى 40 أو 50 صفحة ، ده أول ما نزلته وبعدين المشغولبات حالت دون قراءة الباقى ، لكنى هقراه قريب .
    علشان كده صدقنى أنا مش فاكر حضرتك بتتكلم عن أيه بالظبط ، لأنه الظاهر كده ده تفاصيل التفاصيل . عموما كويس ان الكتاب عجبك ، أنا مش مهم عندى تتحول للمسيحية بعد ما تقراه ولا حتى للبوذية ، انا جبتهولك علشان يجاوب عن أسئلتك ، حتى اللى جاوبت عليها أنا هتلاقيها بصورة أفضل فى الكتاب .
    بس أنا مش عارف ليه ، أنتوا مصرين لغاية دلوقتى ان يسوع مجرد اله ، يا جماعة احنا لا نؤمن أن المسيح مجرد اله ، وان كانت كلمة ابن الله بتعثركم فاحنا ممكن نستبدلها بكلمة الله نفسه ، لأننا فى الحقيقة بنؤمن أن الآب والابن والروح القدس هما اله واحد ، ومش عاوز أقول مثال الشمس الضوء والحرارة والقرص ، والانسنان نفس وجسد وروح وهكذا ، وكل دول وااااااااااااحد ، اشمعنا يعنى هنا ؟
    عموما صباح الفل يا دكتور ، ويا رب تستمتع وانت بتقرا الكتاب ، بخصوص انك تتهدى الى المسيحية أو متتهديش أو أنا أتهدى الى الاسلام او لا ، فدى حاجة خاصة ةجدا بين الرب وعبده ، احنا هنا بنتكلم عن حاجة تانية خالص ، صحيح أنا يعتبر لما اديتك الكتاب يبقى بشرت ، بس أنا بصراحة مكنتش هديهولك لو مكنتش سألتنى ، عارف يا دكتور لو فيه حرية اختيار العقيدة هنا فى الشرق ، كنت هتلاقى فى مصر لوحدها على الأقل ألف بيتحولوا من المسيحية للأسلام وألف غيرهم من الاسلام للمسيحية .
    ده ساعات مبيدخلش تحت بند مين هو الدين الصح ، ده ساعات بيدخل تحت أنا هستفاد ماديا فين ، وعاوز أتجوز فلانة يبقى لازم أغير دينى ، وهكذا ، وبخصوص العلمانية بقى أو الليبرالية ، رغم أنهم بيقبلوا بكده لكن أنا برفض ، لأنه صحيح احنا من مجتمع واحد لكن اختلاف الدين هو أهم شىء فى الثقافة ، وبكده هتكون مختلفة ، والعيال هتتمزق فيما بعد هذا الزواج ، ومش هيعرفوا يختاروا الا لو كان فيه حرية ، ودايرة غير منتهية بقى .
    آدى العلمانية والليبرالية اللى أنا بقبل بيها ، ليها حدود ، متعقلة ، بتحط فى دماغها المعطيات والمطلوب ، مش أول ما أقول علمانية فى الكلية برضه ، عيل متخلف كنا بنتحاور دينيا يقولى انتوا بتؤمنوا بالشذوذ الجنسى ، هو الشذوذ الجنسى بقى عقيدة دلوقتى ولا أيه ؟ يا ريت تفهموا عيالكم يا دكتور ، مش هينفع الكلام اللى بتضحكوا بيه عليهم ده !!!
    سلام ،وأوعى تزعل منى :)
    ملحوظة : آسف بجد لو لقيت أخطاء املائية فى التعليق ده ، ولظروف معقدة جدا وخارجة عن ارادتى مش هقدر أراجعه :)

    ردحذف
  4. حاضر يا محب حنعلمهم ان شاء الله , بس مش العلمانيين الاول يعرفوا الفرق بين العلمانية (secularism ) والليبرالية ( liberalism ( وان العلمانية نوعيين ( anti religious or non religious ( والفرق بينهم في معاداة الدين او تحييده , والليبرالية وتحررها من القيود السلطوية الثلاث وقدرتها الذاتية على التشكل بشكل المجتمع وحدوده القيمية

    تعرف لو اللي بيقولوا انهم علمانيين يفهموا كده , المشكلة حتتحل
    موضوع الشمس والضوء والحرارة ده بسمعه واقراه من 10 سنيين وتفسيره الوحيد بالنسبة ليه هوه توريثه لاني مستوعبتهوش نهائيا

    لاني لما اقول الاب والابن وروح القدس فانا اتكلم عن ثلاثة كينونات منفصلة , الاب الذي في السماء والابن الشخص المحسوس في الارض والذي تم صلبه واستغاث قائلا ايلي ايلي لما شبقتني , فاذا هما اثنان يستغيث احدهما بالاخر , وعندما صعد الى السماء جلس الى يمين الاب ايضا هما اثنان , اما الشمس وضوئها وحرارتها فهي صفات لا تنفصل عن ذواتها فكلما اقتربت من الذات شعرت اكثر بالصفات واذا ابتعدت عن الجوهر قل احساسك بالعرض على حين انك اذا اقتربت جسديا بالابن او الروح القدس فانت لا تقترب فعليا من الاب


    واذا قلنا ان المسيح هو الله الذي جمع في ذاته ناسوته ولاهوته معا فمن المصلوب فيهما الناسوت ام اللاهوت , وذا كان هو اللاهوت فمن تكفل بالارض اثناء وفاته قبل قيامته من بين الاموات , وكيف احتوى رحم العذراء الها , ومن كان الاله قبل ولادته , وماذا فعل كل الصالحين قبل فداءه كي يحتجزوا عن النعيم الابدي انتظار الفداء الا يعد ظلما ان يتحمل البشر خطيئة ادم ولاسيما الصالحين الذين ضحوا بحياتهم من اجل الله

    ولا يهمك اذا مكنتش اسيبك تغلط اسيب مين يعني , حنفهم العيال حاضر :)

    ردحذف
  5. ربنا يوفقك في امتحاناتك
    متدخلش على النت دلوقتي وانا حتوقف عن تعليقاتي لغاية متخلص امتحاناتك على خير ان شاء الله

    ردحذف
  6. @واحد من الناس
    أييييييييه يا دى النيلة ، على رأى مدونة زميلتنا :)
    أولا شكرا على رحابة صدرك .
    ثانيا شكرا على النصيحة بس مش هقدر امتحن والتعليقات دى مالهاش رد :)
    ثالثا بقى ندخل فى المهم :
    سبق وقلت لحضرتك انى بنقى من كل حاجة أحلى حاجة علشان كده قلت ليبرالى علمانى ، وديمقراطى كمان ، يعنى هيا الديمقراطية وحشة ؟ لأ طبعا ، دى الليبرالية ذات نفسها بتحوى أجزاء من الديمقراطية جواها .
    ندخل بقى فى أهم حاجة وهو موضوع الثالوث :
    أنا بقى مستوعبه ، يمكن تقول علشان هو عاوز يستوعبه ، لكن لا بأس .
    أنا مش هجيبلك مقال طويل أو كتاب علشان متضيعش وقتك ، انا هقولك على اللى عارفه والباقى لما أعرفه هقولهولك ، بس أحب أقولك معلش أنا فاهم دينى أكتر منك ، من غير زعل طبعا .
    أول جملة أو جملتين كانوا أجمال بعد كده فصلت ، فهدخل فى التفصيل على طول : -
    ليه قال المسيح ايلى ايلى لما شبقتنى ؟ واللى معناها طبعا الهى الهى لماذا تركتنى ؟
    ده ليه سبب وجيه ، مش طبعا زى ما حضرتك فاكر وبتقول أنهم أنفصلوا أو أنهم أصلا منفصلين ، بس لو لاحظت فى العهد القديم فى المزامير ( الذبور ) داود النبى قال أيه فى احد مزاميره ، (الهى الهى لماذا تركتنى ؟) المسيح كان بيكرر كلام داود النبى زى ما هو واضح ، بس مش لمجرد التكرار ، لأ كان ليه حكمة فى كده ، لو كملت باقى مزمور داود هتلاقيه بيقول فى آية لاحقة : ثقبوا يدى ورجلى وعلى لباسى ألقوا قرعة . وواضح جدا أن داود النبى عمره ما حد ثقب رجليه أو ايديه ، أو حتى أقترع على ملابسه .
    للمزيد حول هذه الآية ممكن تبص هنا
    http://www.arabchurch.com/forums/showthread.php?t=84158
    حتة جلس عن يمين القوة ، لما أفهمها أنا شخصيا هحاول أفهمهالك ، لكن أنا لم أجزع بعد من كده ، العمر لسة طويل ، وأدينا كل يوم بنعرف حاجة . على فكرة انا كان ممكن أدور على النت وأجيبها ، بس مش معقول كده :) كفاية تدوير :)
    لما سأل فيلبس وهو أحد الحواريين المسيح وقاله : أرنا الآب وكفانا ، المسيح عاتبه وقاله : أنا والآب واحد .
    عموما أنت لا تستطيع الآن أن تقترب جسديا من الابن أو الروح القدس ، لأن جسد الابن كما تقصد ليس موجود بيننا الآن لكنه صعد ، أما لاهوته فموجود فى كل مكان بالطبع ، أما الروح القدس فكيف تقترب منه أصلا ؟؟ هذه عصية على الفهم ، لكن فى المسيحية نحن نعتقد أن الروح القدس بدواخلنا كأبناء لله .
    عند الصلب لم يتحمل اللاهوت ذرة الم من ألام الصلب ، لأنه لو فعلا ده حصل ، قصة التجسد والصلب هتكون أسخف مسرحية على مستوى التاريخ !!
    وذا كان هو اللاهوت فمن تكفل بالارض اثناء وفاته قبل قيامته من بين الاموات
    هذه تعنى أنك افترضت أن الابن والآب هم واحد ، عموما ده مش هيفيد كتير ، رغم أن حضرتك ممكن تظن أن السؤال بقى أصعب .
    هقولك على حاجة فى ودانك ومتقولش لحد :)
    المسيح لما مات انفصلت روحه عن جسده كأى انسان فى العالم بيموت ، لكن لاهوته فضل مع جسده ، وبرضه فضل مع روحه ، وده هو سبب قيامته بنفسه ، لأن كده كده اللاهوت فى كل حتة وكمان مبيموتش ، المسيح محدش قومه ، هو قام لوحده وده طبيعى بعد ما عرفنا ان اللاهوت لم ينفصل عن الناسوت لحظة واحدة ولا طرفة عين .
    وكيف احتوى رحم العذراء الها - دى صعبة عليا وعليك ، لكن مش صعبة على الله ، لأنه الغير مستطاع عند الناس مستطاع عند الله .
    ومن كان الاله قبل ولادته - وهنا برضه بتفترض أن الآب والابن واحد ، عموما اللى حصل عند ولادة يسوع أنه فقط اتجسد ، يعنى هو أخذ صورة انسان ، صورة عبد علشان يجى يدفع تمن خطايانا . لكنه كان موجود طبعا قبل كده ، كل اللى حصل أنه بدل ما كان غير منظور ، تحول الى منظور ، لفترة زمنية محددة ، هيا فترة عمره ووجوده على الأرض ، لكن ده ميمنعش أننا لم هنشوف الله فى اليوم الأخير وفيما بعده هنلاقيه هو هو المسيح اللى نزل على الأرض ، نفس الهيئة ونفس الصورة .

    ردحذف
  7. معلش أنا قسمت التعليق على اتنين لأن البلوجر مرضيش :)
    بعد ما أخطأ أبوانا الأولين ، أمر الله بوقوف ملاك بيده سيف من نار لمنع دخول آدم وحواء للفردوس ، بعدما الغلط اتصلح على ايد المسيح ليه كل المجد الناس رجعت تانى للفردوس ، وهنا نقول طيب هما كانوا فين بعد وجودهم فى الأرض وموتهم ؟ كانوا فى الجحيم ، والجحيم حسب قصة الغنى ولعاذر فى انجيل لوقا وهى قصة حقيقية وليست مجرد مثل ، الجحيم هو مكان كان بينتظر فيه الأبرار والأشرار معا ، لكن مش فى نفس الموضع ، هما صحيح كانوا شايفين بعض لكن كان بينهم هوة عظيمة جدا بتفصلهم عن بعض ، ده على لسان سيدنا ابراهيم لما طلب الغنى من ابونا ابراهيم أنه يرسل لعاذر كى يبل لسانه بطرف صابع لعاذر اللى كان فى الموضع اللى كان بينتظر فيه الأبرار ، وواضح جدا من هذه القصة ومن عزلهم عن بعض ومن كلام سيدنا ابراهيم للغنى لما قاله : انت الآن تتعذب وهو يتعزى ، واضح جدا أن الأشرار كانوا بيتعذبوا والأبرار كانوا بيتهنوا ، اذن مكانش فيه ظلم يذكر ، لكن بعد ما المسيح مات بثانية على الصليب ،راح فتح أبواب الجحيم ، وأطلق الأبرار المسبيين من قبل خطاياهم ( لأنه لا أحد بلا خطية ) أطلقهم من الجحيم وخدهم معاه للفردوس ، وبالتأكيد حضرتك تعرف الكلام ده كويس . على الأقل ده اللى أنا فهمته من سؤالك .
    بخصوص الخطية الجدية وورثها عن آدم ، فهاتلى واحد معملش خطية . للأسف الاسلام هنا عكس المسيحية فهو بيقول أنه الأنبياء معصومين عن الخطأ ، ( لكن لاحظ فيه مسلمين بتقول ان المسيح شاذ جنسيا!!:):):) لكن فى اليهودية والمسيحية مفيش حد معصوم من الخطية الا الله وحده ، وخطايا الأنبياء كلهم دليل على كده ، ودليل أيضا على عدم تحريف سواء العهد الجديد أو القديم .
    تحياتى يا دكتور ، وأرجو أن أكون قد أفدتك .

    ردحذف