الجمعة، 7 يناير، 2011

كل عام وأنتم بخير


ولد الرفق يوم مولد عيسى
* والمروءات والهدى والحياء
وازدهى الكون بالوليد وضاءت 
* بسناه من الثرى الأرجاء
وسرت آية المسيح كما يسري 
* من الفجر في الوجود الضياء
تملأ الأرض والعوالم نورا 
* فالثرى مائج بها وضاء
لا وعيد، لا صولة، لا انتقام 
* لا حسام، لا غزوة، لا دماء
ملك جاور التراب فلما 
* مل، نابت عن التراب اسما
وأطاعته في الإله شيوخ 
* خُشّع، خُضّع له، ضعفاء
أذعن الناس والملوك إلى ما 
* رسموا، والعقول والعقلاء
فلهم وقفة على كل أرض 
* وعلى كل شاطئ إرساء


كل سنة يا جماعة وكلنا طيبين ، القصيدة اللى فاتت دى بتاعة أمير الشعراء أحمد شوقى .
وهى قصيدة جميلة فعلا .
بخصوص الحملة : أنا يا جماعة هاهدا مضطر مش علشان الاحداث هديت ، لأ علشان أنا أول امتحاناتى يوم 9 يناير ، يعنى بعد بكرة ، يوم الاحد، ادعولى يا شباب ، ومتستخسروش حاجة ، لانه دعوة واحدة مش كفاية .
بالنسبة للتدوين بقى ، أنا مش هسيبكم طبعا ، أمال مين يرخم عليكم بقى ، ها قولولى مين J
؟؟؟؟

هجيلكم بالتأكيد مرة فى الاسبوع ، وهما أصلا كلهم اسبوعين وتنشال الغمة من أساسه J .
يلا بقى دعوات ، دعوات ، دعوات .

سلامات سلامات سلامات

آه صح كنت هنسى : يا ريت يا جماعة لما حد يجى يعيد على حد ، يا ريت ميقولش عيد سعيد ، ممكن يفهمها شماتة بقى والكلام اللى ميجيبش همه ده ، يكفى كل سنة وانت طيب ، أو كل عام وانتم بخير ، وربنا يعود عليكم وعلينا الأيام بخير ، أو الحاجات دى ، الجرح لسة ماندملش ولسة مفتوح  ، يكفى ان العيد يعدى بخير ، لانه لو كان فيه سعادة كنت مكلمتكمش دلوقتى ودوشتكم ، كنت هطلع أصيع فى أى حتة مع الولد ( العيال يعنى J  .

مع تحياتى : مازلت برضه المحارب ضد الارهاب .

لكن دلوقتى هعقد هدنة واكتب

المحارب ضد الامتحانات :

المنيل على عينه وهو مين غيره : محب روفائيل 

هناك 3 تعليقات:

  1. السلام عليكم ورحمة الله

    كل سنة وانت طيب يا محب
    ان شاء الله الايام اللى جاية تكون خير وامان على كل مصر

    سيدنا عيسى عليه السلام رفيق نبينا وحبيبنا محمد عليه السلام بالفردوس الاعلى صلى الله عليهم وعلى جميع الرسل والانبياء ورزقنا صحبتهم الطيبة ان شاء الله
    وجعلنا واياكم من التابعين لهم باحسان والعاملين بدعوتهم الصادقة ان شا ء الله

    احسنت الاختيار اخى الكريم

    كل سنة وانت طيب وان شاء الله ربى يوفقك فى الامتحانات

    تحياتى لك وتقديرى

    ردحذف
  2. محب على فكرة انا دخلت مدونتك لاتابع الجديد هنا
    والغريب انى وجدت لك مواضيع كتير جديدة لكنها لاتظهر تحديثها عندى فى المدينة الفاضلة مش عارفة ليه وايه سبب عدم ظهور مواضيعك الجديدة عندى

    ردحذف
  3. أم هريرة الفاضلة : -

    وحضرتك طيبة وبخير وسلامة وان شاء الله مصر كلها هتكون فى خير وسلام.

    الانبياء خير شفعاء كما قال أحد المفكرين المسلمين ، ربما كان الشيخ محمد عبده ، وهم يطلبون عنا ويشفعون عندما نكون فى ضيق ، هم موجودون عند ربهم وجميعنا يؤمن بذلك ويؤمن بهم

    أحمد شوقى شاعر عظيم ، وربما أتيت بشىء آخر له لو لم يكن كتب هذا :)

    بخصوص الامتحانات ، يسعدنى أن أطمئنك وأقول لك دعوتك مستجابة ، لقد جاء الامتحان فى المتناول والحمد لله .


    أما بخصوص التحديثات ووصولها فهى مشكلة فعلا ، أنا أتابع المدونة أيضا ، وآخر شىء وصل لى هو موضوع سنة مع الفيس عوك (2) ، ولا أعرف كيف أحل هذه المشكلة ، حتى مواضيع الحملة لم تصل للآن ، ربما بدأ البلوجر يستعبط :)

    تحياتى لحضرتك

    ردحذف