الاثنين، 3 يناير، 2011

شفتوا اللى حصل ؟

شفتوا يا مصريين أيه حصل
الارهاب لبلدكم وصل
راكب عربية مفخخة
مات فيها واحد شهيد / مفرغة
وكله فى سبيل الله
آسف ، قصدى الشيطان
عايز يهدد أوطان
يخليها بعيدة عن الأمان
وساعتها تشتكى لحكومة
تقولك نفض يا مان .
ما هو خلاص راح فى مصر الانسان
وبقيت قيمته قيمة حيوان
لأ ، ده أرخص بكتير من الحيوان
تيجى تقول زى ما بقول
هيودوك وبسرعة على طول
عند السجان
وممكن تترقى لعشماوى كمان
ما أنت بتتكلم فى بلد دعيت بلد الكلام
بس بعدين الكلام ده بقى محرم وتابوه
زى الجنس والسياسة والدين
شفتوا يا مصريين التخلف ؟
راكب عربية بتلفلف
تقف قدام الكنيسة
يمكن تموتلها مية أو متين
كله فى سبيل الله ورفعة الدين
وياترى مين عملها ؟ عملها مين ؟
هيقولك واحد مجنون
أو واحد متطرف وبرضه مجنون
أو واحد متطرف مش مسجون
يقعدوا يحاكموه لغاية ما يموت
قضاء وقدر
وبكده يكون الجهل انتصر
وبكده عمر الغل ما ينحصر
فى نفوس المتضررين
وبكده يكون القلب انعصر
فى قلوب الامهات
واصبح حتة جيف من كتر الدموع
اه دموع مين غيرهم ؟ دموع المسحيين
افتح ودانك يا مبارك
فيه كلمة عاوز أقولهالك
دور عليهم واعدمهم
وبدون محاكمة وموتهم
ولا دى برضه متعتبرش خيانة عظمى
وحاجة تانية بقى علشان نبقى على نور
حبيب العادلى لازم تشيله
وتجيب واحد يسمعنا كلنا
قبل ما نشتكى يجى يضمنا
واحد بيحب مصر بجد
أول ما يسمع تهديد ووعيد
و فى كل وقت
يحافظ على أرواحنا
من المهد للحد
ولا دى مش مهمته
ولا هو بياخد فلوس ليه
كفاية الناس بتقوله يا بيه
مبارك حاجة أخيرة من نفسى
لو مش قادر تحمى بلادك
خد فلوسك لسويسرا وامشى
خد فلوسك ياخى لجهنم وامشى
متاخدش فلوسنا معاك لما تيجى تمشى
ولا هما بيقولوا أصلا انت محولها من زمان
اذن لو مش قادر تحمينا
يا سيدى مسى
وبعدها امشى
ومش هنزعل منك متخافشى
والسلام عليكو

مع تحياتى : المحارب ضد الارهاب
محب روفائيل

هناك 4 تعليقات:

  1. السلام عليكم ورحمة الله

    اخى الكريم
    اولا اخى انا لا الومك على كلمتك

    (( اللهم بلغت اللهم فاشهد))
    نحن نقولها فى وقت التهديد فقط
    وانا اقول لك انى لم ارد عليك فى مدونتك لاننى اعذرك فى غضبك وليس من اللائق على الاطلاق ان اعتب على انسان ربى ابتلاه وهو وقت حزن
    فهذا من الغباء قريب جدا لو فعلت

    وانا لا اقول انى غاضبة من الكلمة

    لا اخى ربما لو انا مكانك لقلت اكثر من هذا بكثير
    فكلنا نحب ديننا ونحب اهلنا كثيرا

    ربما بعد زوال الهم والمحنة نتوب كلنا ونستغفر الله عن اقوال قلناها وافعال فعلناها

    ومستحيل ابدا ان اذكر اسماء اى انسان قال كلمة والا بهذا اشعل فتنة اتمنى اخمادها اخى الفاضل
    وما اردته هو ان انبه نفسى وكل الاصدقاء الى ضبط النفس ونحترس من كل كلمة ربما نندم عليها فى المستقبل
    لان هناك من ينتظر وقوعنا جميعا

    صدقنى اخى الكريم
    كلنا ضد الارهاب والاسلام برىء من كل هذا

    ولك ان ترى عدد المسلمين الذين ثاروا بسبب ماحدث

    و وياريت اخى لو سمحت انا مش عايزة انشر تعليقك الا اذا رفضت انت ذلك وحينها سأنشره بالطبع فانا احترم كل الاراء المهذبه

    لكن اعتقد لو نشرته ربما لو عرف احد الاصدقاء ماقلته انت حينها ستكثر الثرثرة الغير مفيدة وتتحول لجدال سخيف
    ما رأيك

    بالطبع هذا ردى عليك انت هنا
    وللمرة الالف انا اعذر اى انسان يشعر بالحزن على اهله

    انتظر ردك بالمدينة الفاضلة على اقتراحى اخى الفاضل
    بالنسبة لتعليقك

    ردحذف
  2. سيدتى صاحبة المدينة الفاضلة أم هريرة الفاضلة

    أشكر نبلك وأخلاقك العالية

    أريد أن أوضح شيئا بسيطا

    اللهم بلغت اللهم فاشهد هذه الجملة أسمعها دائما عندما يحذر أحدهم أحدهم آخر من شىء قادم له فى طريق حياته سواء فى المستقبل القريب أو حتى البعيد .

    ربما تستخدم للتهديد والوعيد ، لكن صدقينى أول مرة أعرف هذا هى اليوم ومن قبل ( عن طريق ) حضرتك

    وهنا أعتذر عن حديثا فهم ليس كما أردته أن يفهم .

    صدقينى سيدتى الفاضلة أنا لا أتذكر ما قلته سابقا هناك فى المدينة الفاضلة ، لكن الذى أتذكره أن ليس هناك تجاوزات ، كل ما قلته أن تعطينى دليلا واحدا أن أسرائي هى الفاعلة وسأغير اسم الحملة من أنا ضد الارهاب الى أنا ضد اسرائيل ، ولا أظن فى هذا خطأ ، وأعتقد أن التعليق كله يدور حول هذه النقطة .

    سيدتى الفاضلة ام هريرة أنشرى التعليق ان كان كله يدور حول هذه النقطة المذكورة سابقا

    أما اذا حمل تجاوزات أخرى فلا تنشريه ، أو لك مطلق الحرية .

    سأرد أيضا بهذا الرد فى المدينة الفاضلة .

    دمتى فى سلام 

    ردحذف
  3. السلام عليكم
    اشكرك اخى الكريم على حسن ردك
    لكن احب ان اقول لك ان رأيى بعدم نشر تعليقك بهذه الصيغة ربما يعرف احد الاصدقاء انك صاحب هذه الكلمات وحينها تكثر المضايقات لك وصدقنى اقسم بالله هذا لا احبه لاى انسان تواجد بمدينتى الخاصة فانا احب ان تظل كما تفضلت انت وقلت فاضلة ولا احب لمن يزورنى بها اى اهانه مهما كانت قليلة

    ومثل ما هناك انسان مسيحى ربما يتعدى الاصول هناك ايضا انسان مسلم لا يلتزم بالادب
    لا لان فى تعليقك شىء مخل بحدود اللياقة او اى كلمة خارجة لا والله لكن لانى اخشى ان يتعدى انسان عليك بتعليق واكون انا السبب فى ذلك

    فى النهاية كلنا بشر نصيب ونخطىء

    وان شاء الله سانشر كل تعليقاتك
    ويسعدنى تواجدك الدائم بمدينتى فهى مصرية
    دمت بكل خير اخى الكريم

    ردحذف
  4. وعليكم السلام ورحمة الله وبركاته

    حديثك هذا سيدتى الفاضلة يبعث على الشجن

    فكيف لمدون محترم ومثقف يتطاول كلاميا على أخيه المدون المثقف ؟

    أأنتهى الكلام ، فابتدأت الشتائم .

    سيدتى ، أقول لك أنى عربى بحكم موقع مصر الجغرافى

    لكنى أقولها وأنا مطأطىء لرأسى

    نحن كعرب نفتقد وبشدة أدب الحوار

    لكنى كنت أظن أننا كمدونين لا نفتقده .

    مدينتك الفاضلة ، هى أيضا مدينتى الفاضلة

    ولكنها ليست موجودة بالواقع للأسف

    انها وليدة مفكر عربى وهو الفارابى عندما كتب كتاب أراء أهل المدينة الفاضلة وهى مدينة خيالية ابتدعها الفارابى وجعل بها كل شىء مثاليا ، وليس كما هو موجود الآن .

    ليت حلمه وحلمنا يتحقق ونكون حتى بالقرب من هذه المدينة ، أقصد قربا معنويا .

    أخيرا ، يسعدنى أن أقول أن حوارى مع حضرتك أسعدنى جدا .

    لك منى كل الاحترام والتقدير.

    ردحذف