السبت، 1 يناير، 2011

كان نفسى أكتب بس مش قادر

        أوحش حاجة فى الكون لما يبقى عندك كلام يملا الكون كله ، وفى نفس الوقت مش قادر أو مش عارف تتكلم وتقول الكلام ده . كان نفسى أتكلم بجد بعد الحادث اللى شاغل بال العالم كله . بس للأسف مش قادر .
        فى أول نص ساعة فى السنة الجديدة حصل اللى حصل ، ده كفاية أنه يخلينى مش قادر أتكلم لمدة طويلة .
        صدقونى أول ما هقدر أو أبتدى أتكلم هتكلم بكل حياد . لانى مش من الضعفاء أو الأغبياء اللى دايما يجيبوا المسلمين المصريين فى الوش ويقولوا هما اللى عملوها .
        الموضوع كبير واحنا ماديناهوش حقه . أول ما هعرض الموضوع بعد فترة هتشوفوا أخبار أول مرة تسمعوها ( يلا بقى خليها تخرب ، وهيا كده كده خربانة ) ،أو بالأحرى الاعلام المصرى اتكتم عليها بطريقة فظيعة ، أنا هبتدى أقلب فى القديم يا سادة ، ويا رب محدش يقول عليا مجنون من الحاجات اللى هقولها .
        أول لما همى ينزاح شوية هقول وأتكلم بأعلى صوت ، وهقول كلمة الحق ، ومش هخاف من حد ، بس ده لما أقدر أتكلم .
        أهديكم سلاما مفتقده كقبطى أو مصرى مسيحى مهدد بالانقراض والاضطهاد والابادة .

ليست هناك تعليقات:

إرسال تعليق