الخميس، 9 ديسمبر، 2010

CleanEgypt.org مصر نظيفة

أول اجتماع حضره 15 فرد من مجموعة المتطوعين في حملة مصر نظيفة في سيتي ستارز بالقاهرة لوضع خطة العمل
عبارة عن صفحة بالفيس بوك ، رأيت اعلانا له ضمن الاعلانات . كان الاعلان يقول (احنا مجموعة من الشباب الإيجابي قررنا ننشر الوعي بين المصريين والتعريف بأهمية النظافة عندنا خطة طموحة وعايزين مساعدتك. انضم لينا ) ، ولم أتردد فى أن أعجب به ، بتتبع الأرشيف وجدت أن هذه الصفحة انضمت الى الفيس بوك من يوم  25 نوفمبر أى من حوالى أربعة عشر يوما  ، وآخر بوست ( مشاركة ) كتبها القائمون عليها كانت كالآتى : (بكره إن شاء الله أول اجتماع للمتطوعين وهنوافيكم بكل تفاصيل الخطوات اللي هنعملها. احنا في وقت قياسي بقينا أكتر من ٦ آلاف شخص وده دليل إن النضافة في مصر مطلب من ناس كتير بس أهم حاجة نوحد جهودنا كلنا ونهتم برفع الوعي عند الناس لأن هي دي المشكلة الحقيقية )
يذكر فى هذه المشاركة أنهم وصلوا ل 6000 عضو ، والعجيب فعلا أنهم وصلوا بعدها لاكثر من 7500  عضو أى أن معدل تسارع الاعضاء كبير بدرجة كبيرة ، وهذا يدل وان دل على توق المصريين لنظافة شوارعهم ،أو أن شوارعهم بالفعل مليئة بالزبالة والقمامة وغير نظيفة ( شىء يعرف بالعقل )
الغريب فى الأمر فعلا أننى كنت ومازلت أدمن ( المسئول عن ) جروب متسألنيش ديانتك أيه أنا مصرى وابن مصرى والذى أنشأه صديق الفيس بوك  محمد على النيدى بعد أزمة نجع حمادى مباشرة ، ولكننا على مدى شهور قاربت السنة رغم الجهد الجبار الذى فعلناه لاستقطاب الاعضاء لم يصل عدد أعضاء الجروب الا الى 7500 تقريبا
ومما سبق يتبين أن المصريين يريدوا شوارع نظيفة .
عموما أن يكون هناك شباب متطوعون  للعمل على نظافة بلدهم ( وقد يبدو انه موضوع تافه لأول وهلة أو على الاقل ترف مجتمعى ) لهو شيئا يدعو للأمل فى التقدم ولو فى النظافة أولا .
وقد جاء أيضا فى الصفحة خبر أول اجتماع على لسان القائمين عليها كالتالى : -
أول اجتماع حضره 15 فرد من مجموعة المتطوعين في حملة مصر نظيفة في سيتي ستارز بالقاهرة لوضع خطة العمل. وفيه أفكار سنبدأ في تنفيذها قريبا
وهو الاجتماع المشار اليه من قبل .
ومن أجمل المشاركات التى تدل على الوعى بمسئولية النظافة : - بدل ما هنشتكي من وجود الزبالة بالمنظر اللي بيؤذي العين في شوارع مصر عايزين نفكر كلنا ازاي نقدر نحل المشكلة دي اللي موجودة في كل أحياءنا حتى الأحياء الراقية. علاج مشكلة الزبالة مش دور الحكومة بس لكنه دور كل المصريين ولذلك عايزين نبدأ بنفسنا وننشر الوعي والثقافة اللي بتخلي رمي الزبالة في الشارع شيء مكروه.
خلال أيام هنعلن ...الموقع وفيه الخريطة اللي كلنا هنشارك في وضع أي صور ايجابية أو سلبية عن نظافة الشوارع فيها.
أما عن معلومات صفحة مصر نظيفة :-

  المعلومات التفصيلية

 

الموقع الإلكتروني:
معلومات عامة:
مبادرة من شباب بيحب بلده لرفع درجة الوعي عند كل الشباب المصري لأهمية النظافة واتخاذ خطوات عملية لتفعيلها في حياتنا الشخصية. نظافة الشوارع والمدارس والجامعات والأماكن العامة.

يا ريت كلنا نتفاعل معاها وإن شاء الله هنحط خطة لرفع الوعي وهيشارك فيها مخرجين وممثلين وخبراء تسويق وإعلاميين من كل مصر. (قراءة أقل)
صفحة الفيس بوك:

أما عن رابط جروب متسألنيش ديانتك أيه أنا مصرى وابن مصرى فهو :-
أما الذى أستطيع أن أقوله الآن فعلا هو الشكر لهؤلاء الشباب والفتيات

ليست هناك تعليقات:

إرسال تعليق