الاثنين، 20 ديسمبر، 2010

مازلت أقدر ...

كنت أقدر أغير نفسى ، معملتهاش

كان نفسى أغير حياتى ، مغيرتهاش
كنت أقدر أحارب وأمشى فى الطريق
ومكنتش هبقى خايف ، حاسس بضيق
ولو بحرى ف يوم أمواجه هاجت
عمرى ما كنت هبقى غريق
كنت أقدر ......

كنت أقدر أقول رأيى ، مقولتهوش

كنت أقدر أرفع وشى ، مرفعتهوش

وكان  نفسى أقول : أنا حر وطليق

لكنى مكنتش بتكلم ولو كان حريق
ومركبة حياتى فى الدنيا عامت
من غير ما تحط قدامها هدف طريق
كنت أقدر .......

يمكن فرصتى لسة عمرها مانتهاش
ولسة الشارع قدامى فاضى ، ممشيتهوش
وحتى لو كانت حياتى مليانة بالعليق*
هعرف أرفرف فيها وأطير بالتحليق
حتى لو شمس من حوالى غامت
كفاية عليا القمر أجمل صديق
ومازلت أقدر .... 

مع تحياتى : -
الكاتب محب روفائيل
*العليق هو حشائش ضارة كنت بلاقيها دايما لما كنت بروح الغيط

ليست هناك تعليقات:

إرسال تعليق